Lunglei High Powered Committee (HPC) kaltlanga Lungleia UD&PA leh Police hnathawh kal mekte chu Thawhlehni khan HPC vice chairman Lawmawma Tochhawng hoin enfiah an ni.
UD&PA hnuaiah hian HPC kaltlangin Lungleia retaining wall rawng hnawih, side drain siam leh thawmthat hna, footpath siamthat leh footpath vawnban siam leh thawmthat hna te thawk tura ruahman a ni a. Sawrkar kum kalta 2022- 2023 chhung khan heng hna hrang hrang atan hian HPC sum nuai 66.695 sen niin, a chhunzawm zelna’n sawrkar kum kal mek 2023- 2024 hian nuai 71 dah a ni. He sum hmang hian hna 24 – retaining wall rawng hnawih hmun 13-ah, side drain siam hmun 2-ah, side drain bula PCC pavement siam hmun 6-ah, footpath leh vawnban siamthat hmun 2-ah leh Ramthar Sub Centre hnuaia chequered tile step siam tur a ni.
Endiknaah hian HPC vice chairman hi DUDO Lunglei C. Sawihlira leh UD&PA hnuaia JE ten an tawiawm a. Khawpui chhunga nikum lama hnathawh tawhte leh kumina thawh tura ruahmante a hmunah an enfiah. Heng hna hi Lunglei khawpui thang zel atan a pawimawh takzet tih Lawmawma Tochawng hian sawiin, tha taka thawh an nih theihna’n UD&PA hotute chu uluk taka vil tur leh harsatna an neihte a hnenah thlen thuai thin turin a chah.
Thawhlehni vek khan Lunglei HPC vice chairman hian HPC sum nuai 30 senga thawh Lunglei Police Station cheithat hna a enfiah nghal a. Police Station cheithat hna hi departmental-a thawh niin, ground floor leh 1st floor ah floor tile phah, wiring siamthat, bathroom sakthat, ceiling siamthat leh a dangte thawh a ni a, July thla chhung hian zawh hman an inbeisei tih police hotute hian an lo hrilh.
UD&PA leh Police hnuaia hna en
