Uganda-a kohhranin kut beng rei record siam

Uganda-a kohhranin kut beng rei record siam
Uganda-a kohhran pakhat, Phaneroo Ministries kohhran member te chuan a huhoa kutbeng rei record an siam a, darkar 3 leh minute 16 chhung kohhran member ten a huhoin kut an beng hluah hluah mai a ni.
Guinness World Records chuan a huhoa kutbeng rei record-a an pawm theih chinah chuan an kut ben chhung zawnga an kutbeng thawm chu ri rin zawng tehnaa 88 decibel tal a tling ngei ngei tur a ni a, chawlh awm lovin kut hi ben char char gtur a ni. Phaneroo Ministries kohhran member te kutbeng thawm hi chawhrualin 88.5 decibel a ni.
Phaneroo Ministries hian record siam tum a an beihna hi a hmingah ‘Clap for Jesus’ an ti a, an kohhtan kum 9 tlin champha lawm nana an tih a ni a, Uganda khawpui Kampala a awm an ni. Record siam tum hian kohhran member 926 an thawk chhuak a, darkar 3 leh minute 15 chhung kut an beng ta a ni.
An kohhran hruaitu Grace Lubega chuan record an siamna chhan dawiin, “Clap for Jesus hi lawmthu sawina boruak nena mipui kan inpumkhat lehzual theih nana kan tih a ni,” a ti
A hmaa hetiang record chu Clark Stevens & The Festival of Awesomeness, UK ami ten 2019-a an siam niin, anni hian darkar 2 leh minute 5 chhung kut an beng ve thung.