Bonnie chu Spaniel an tih ang chi ui a ni a, kum 5 a ni tawh, Simba ve thung chu Border Collie an tih ang chi niin, kum 3 a ni ve thung. Heng ui chi pahnih te hi Reading, UK a cheng, Olga Jones-i ui an ni a, thiam thil an nei tha dun hle a, Guinness World Records pawh an siam nual a ni. An pahnih hian thawk dun thiam riau lehnghal a, tlangbana thawmhnaw suk han pho vel te pawh an thiam tlat!
Record pali an siam a, second 16.78 chhungin an pahnihin an inzuan khum chhawk zak zak a, vawi 10 an inzuan khum hman a, ui pahnih leapfrog jump vawi 10 tirang thei record an siam a, minute khatah bottle ruak 16 bawlhhlawh paihna bawmah paih hmanin, ui zinga bawlhhlawh paihnaa bottle ruak minute khata paih hnem hman ber record a ni a, bottle-ah pawisa thir (coins) minute khata 13 thun hmanin, hei pawh record a ni a, tlangbanah minute khat chhungin thawmhnaw 17 pho hmanin, hei hi record a ni.
Ui fingin record siam
