UK-ah Indian nu pakhat thiin hmu
London-a khawsa India hmeichhe pakhat chu thia hmuh a ni a, thuneituten an endikna atangin a ruang an hmu hma ni engemawzat kaltaah a thi tawh nia sawi a ni.
Thuneitute sawi danin ruang an hmuh hi Harshita Brella a ni a, a nu Sudesh Kumari chuan a hmaa an inbiakna atangin a pasal hnena kir a duh tawh loh thu sawiin, a that thei mai dawn nia a sawi thin thu a sawichhuak a, a nun chu a hrehawm hle niin amah kawmtu media mite hmaah a sawichhuak.
A chhungte chuan an fanu thihnaa mawhphurtu ber leh rinhlelh ber chu a pasal Pankaj Lamba anih thu an sawi a, mahse amah hi India ramah a bibo rih niin an sawi a, a awmna chin tak erawh an hriat rih loh thu an sawi.
Tualchhung police te chuan he pawikhawihna hi chhui nghalin, UK thuneitute chuan he tualthahna chungchangah hian India tanpuina erawh a la dil rih lo niin an sawi thung.
A thih hma hian kar engemawzah chu an fanu hian nau a pai tih Harshita chhungte chuan an sawi a, a pasal chu rinhlelh ber a nih avangin zawnchhuah a, a chunga thuneihna lek ngei an duh thu an sawi bawk a ni.
UK-ah Indian nu pakhat thiin hmu
