Daily Newspaper

UK-in Pfizer/BioNTech vaccine pawm fel ta

12

United Kingdom chu khawvel ram zinga Pfizer/BioNTech croronavirus vaccine hman remtihna pe hmasa ber a ni ta.

British regulator MHRA te chuan Covid-19 laka 95% him theihna nei vaccine hi remtihna pein karleh atangin pekchhuah tan a ni dawn a. A tirah priority group te hnenah pek chhuah hmasak phawt a ni ang.

UK chuan he vaccine hi 40 million dose order siam tawhin chu chu mi maktaduai 20 te dose hnih pek daih a ni.

A tirah 10 million dose neih phawt a ni thei dawn a, a dose hmasa ber te hi UK-ah phurhluh mai theih tur a ni bawk.

He vaccine hi pek chhuah theih tura pawmfel hmasak ber niin kum sawm chuang te vaccine siam nana hun hman thin chu thla 10 chhung lekin peihfel a ni hman a ni.

Health Secretary Matt Hnacok chuan, “|anpuitu a lokal mek e. NHS chuan karleh tirlam atangin vaccine a pechhuak thei tawh ang’ tiin a sawi.

Vaccine pekchhuah tan theih tawh ni dawn mah se, mipuite chu coronavirus inkaichhawn zel tur lakah an la fimkur a ngaih thu mithiamte chuan an sawi zui nghal a. Chu mi atan chuan social distancing leh face mask te hman uar a ngaih thu an sawi bawk.

Vaccine chu?
He vaccine hi chi thar mRNA vaccine niin pandemic virus-a genetic code te chu hmang tangkaiin taksa chu Covid-19 beilet tur leh immunity siamtha turin a zirtir a ni.

mRNA vaccine te hi mihringah hman remtih a la ni ngai miah lo va, mahse, clinical trial-ah chuan mihringah enchhinna kalpui thin tawh tho a ni.

Vaccine chu mihringah chiu luh a ni a, cell te chu coronavirus spike protein siam turin a hrilh ta thin a ni. Chu chuan immune system chu antibodies siam tura tur nghalin cell a khawih te tichhe turin T-cell te a tinung zui nghal thin a ni. Damloin coronavirus a hmachhawn a nih chuan antibodies leh T-cells te chuan virus chu an bei zui ta nghal thin a ni.

He vaccine hi -70C a vawta dah that ngai niin suankualnaah pawh special box dry ice a khat hmanga dahthat ngai a ni a. Lakchhuah hnuah fridge-ah ni nga chhung vel dah that theih a ni.

Tu ten nge la ang?
Mithiamte chuan priority list siam zui nghalin a hmasa berah care home a awm leh enkawltuten an la hamsa ber ang a, chumi hnuah kum 80 chin chunglam leh health leh social worker ten an la leh ang.

Karleh atangin vaccine hi an la tan thei dawn a, heng mi tena an lak zawhfel hnuah hian kum 50 chin chunglam te hnenah pek leh a ni ang a, chutihrual chuan naupang zawkah pawh natna benvawn neite ngaih pawimawh an ni phawt ang. Vaccine hi tum hnih ni 21 danah pek tur a ni.

Covid vaccine dang te?
Vaccine pawm mai theih tura ngaih beisei awm tak tak a awm a. Chung zingah chuan mRNA hmang tho Moderna vaccine chu pawm mai tura ngaih a ni bawk a. Moderna vaccine hi UK chuan dose maktaduai 7 a order lawk tawh bawk.

Hei bakah hian UK chuan Oxford University leh AstraZeneca vaccine siam pawh dose maktaduai100 a order tawh bawk a. He vaccine hi chuan virus hlauhawm lo chi hmangin Covid-19 thlentu virus te a tihlum thung.

Russia chuan Sputnik vaccine a hmang mek a, Chinese sipaite pawhin CanSino Biologics siam an hmang bawk a. Heng vaccine pahnih te Oxford vaccine te nena kalphung inang an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy