Daily Newspaper

UK star thar Brown

7

Tokyo Olympic Games neih mekah Great Britain (GB) tana inlan kum 13 mi Sky Brown chuan Bronze Medal a hlawhchhuak a. UK star thar niin a lar thar nghal hluai.

Kum 13 mi Sky Brown hian Skateboard inelnaah UK ai a awh a, pathumna niin Bronze medal a dawng. A elpui Japanese pahnih tluk zo lo mahse UK tan medal hlawhchhuak thei naupang ber niin, record thar duhawm tak a siam tho thung. Kum 13 mi lek ni mahse sport thuam siamtu lar NIKE in $5m vel zetin a sponsore a. Nike in athlete a sponsor naupang ber a ni nghe nghe. Hei bakah hian Insragram lamah pawh zuitu 1million zet a nei tling bawk a, a lar vet vet hle.

UK star thar Brown hi thla 14 kal ta mai khan chesual in, hliam na tak a tuar a, a nunna a ch^n teuh ther ther hle. A chetsual tum hian hliam a ruh engemawzat a titliak a, a nunna a ch^n lo hi vannei tih a hlawh hle. Hliam na tak a tawrh vang hian infiamna a ngainat em em Skateboard a khelh chhunzawm theih an ring lo hman hial. Hun harsa tak tawk in, a nunna ch^n teuh hle mahse hun thim a paltlang a. Tokyo Olympic a lo thlen meuh chuan khawvelah pathumna a ni ta hial a. Khawvela ram ropui ber ber zinga tel phak United Kingdom tleirawl chhuanvawr a ni ta hial a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy