Sawrkar kum kal mekah ukil rawihna tur nei lo, dan phalnaa rawih sak mi 737 an awm tawh a, ukil rawihna atana senso chu cheng nuai 21 chuang a ni tawh.
Assembly Session neih meka Congress member C Ngunlianchunga zawhna chhangin Law & Judicial minister TJ Lalnuntluanga chuan, sawrkar kum kal mek April atanga July inkarah Mizoram State Legal Services Authority-in ukil rawih sak 737 a nei tawh a, hemi atan hian Rs. 21,36,203 sen a ni.
Legal Aid Council-in a thlawna ukil a rawihsak theihte hi tribal mi, kum khata Rs. 25000 lalut tling lo te, tih a nih rualin, Rs. 25000 aia tam deuh lalut te pawh, tribal an nih chuan phalsak an ni tho tih minister hian a sawi.
Ukil rawihna tur nei lo 737 dinsak
