China in Ukraine peace plan a siam chu indona tihtawp nana hman theih a ni ang tiin Vladimir Putin chuan a sawi a.
Mahse Putin chuan China ruahmanna chu ‘Khawhlang ram leh Kyiv’ tena an pawm hnuah chauh kalpui theih a ni ang tiin a sawi.
Russian leader leh Chinese President Xi Jinping te chuan Moscow a inbiakna an neihah Ukraine indona chungchang leh an ram pahnih inlaichinna chungchang an saiw dun a ni.
China ruahmanna hi thla kalta khan khawvel hriatah phochhuah tawh niin chutah chuan Russia chu Ukraine chhuahsan ngei nghal turin a phut kher lo thung a.
Point 12 siam niin chutah chuan peace talk neih leh national sovereignty inzah tawnsak te telin mahse rawtna chiangbal siam erawh a nei lo thung.
Ukraine erawh chuan inbiakna neih hma in tiamkam a neihah Russia chu a ram a luahsak ata a inhnukdawk hmasa tur a ni a ti mauh thung a, chu erawh Russia chuan tihhlawhtlin tumna a nei bau lova ngaih a ni thung bawk.
US Secretary of State Antony Blinken chuna Russia inhnuhdawh hmaa inkahhaina rawt chu ‘Russia in a ram lak tawh te thlawpna tluk a ni’ tiin a sawi bawk a.
Xi nena inbiakna an neih hnua joint news conference an neih zuiah Putin chuan, “Chinese peace plan tam tak te chu Ukraine a buaina tihtawp a nih theih nana behchhanah a hman theih a, mahse, Khawthlang ram leh Kyiv te an inrin hmasak a ngai” tiin a sawi a. Russia chuan lehlam te inremna duha an hmalakna kan la hmu lo tiin a sawi bawk.
Xi Jinping pawhin a sorkar chuan inremna leh inbiakna awm se an fuh tia sawiin China chuan history a kawng dik zawh a duh tiin a sawi bawk a. Beijing chuan tan bik a neih loh thu sawiin remna siamtu nih a duh tiin a sawi bawk.
Ram hruaitu lawk pahnih te chuan sumdawnna, energy leh politics lama inlaichinna te an sawi dun bawk a. “China hi Russia sum-dawnpui lian ber a ni” tiin President Putin chuan a sawi a, nikum aia sang zawkin sumdawnna kan kalpui zui ang, a ti bawk a.
Xi pawhin China leh Russia te chu ‘Ram thenawm thiltithei dun leh inzawmna nei nghet tha’ tiin a sawi bawk.
Russian media te chuan ram pahnih hruaitute chuan – document pahnih, economic cooperation tihchakna tur leh Russia-China partnership tihchakna tur hming an ziah hnan ant i a. hei bakah hian Siberai atangin Russian gas te Mongolia paltlanga China a pek luhna tur pipeline siam ni se an ti bawk a, nuclear war kalpui ngai loh tur ti bawkin leh Australia, UK leh US tena defence agreement an siam Aukus pact an sawi dun a, hei bakahhian Nato in Asia khawmualpuiah military leh security issues a ngaihven zel chu an sawi dun an ti bawk.
Ukraine indona kalmek karah China chuan Russia hnenah military support a pek hlauhna a lian hle a, chu chu khawthlang ram tena an ngaihven ber pakhat a ni a Brussels ah Nato chief Jens Stoltenberg chuan tun thleng chuan China in Russia hnenah lethal weapons a pek luh kan la hre lo, a ti thung a.
Mahse, Russia chuan lethal weapons te China a ngen ngei nia an rhiat thu sawiin chu chu Beijing chuan pek tur nge pek loh tur tia a ngaihtuah ngei nia an hriat thu erawh a sawi thung.
China leh Russia tena ram pahnih hruaitu lu ber tena meeting an neih tawh hnua joint statement an tihchuaah erawh ram pahnih te chuan ‘military-political alliance’ siam an tum lo tiin an tarlang thung a. Inkungkaihna chuan ‘bloc siam emaw, ram dang nek emaw leh third country te tana nawrna lam kalpui emaw a hawi lo’ tiin tarlan a ni.
Putin chuan press conference a neihnaah Khawthlang ram te chuan ralthuam ‘nuclear keng tel thei’ an pe tel tia sawiin UK in depeleted uranium hmanga shell siam Ukraine hnena a pe a nih chuan Russia chuan a chhang let lo thei dawn lo ti erawhin a sawi thung a.
UK Ministry of defence chuan ‘depleted uranium’ chu ‘standard component’ chikhat niin ‘nuclear weapons nena inzawmna nei lo’ tiin a sawifiah thugn.
Xi Jinping chu Kremlin a luhin nasa taka lo lawmin a awm a, Xi ngei pawhin Moscow a thleng chu nuam a tih thu sawiin President Putin nen ‘inhawng, tlanghrak leh thiantha nihna nen’ inbiakna an nei a ti bawk a.
Xi Jinping an Moscow a luh hma chiah hian International Criminal Court cuan war crime kaihhnaiwhah President Putin chu manna tur a tichhuak thung a.
Hei mai bakah hianJapan Prime Minster Fumio Kishida chuan Kyiv a tlawh ve mauh bawk a, Indopui II na hnua Japan leader Kyiv tlawh leh hmasa ber a ni bawk a. Ukraine president Zelensky pawhin May thlaa Japan a G7 summi tneih turah video link hmanga a zawm ve tur thu a puang zui bawk.
Zelensky chuan inremna awm theih nan China chu inhnamhnawih ve tura an sawm thu sawiin, “Peace formula siamna turah China chu tel ve turin kan sawm a” tia sawiin, “Inbiaknaa tel tura kan sawmna chu a chhanna kan nghak mek a ni” tiin a sawi bawk.
Ukraine indona in tawp lam pan hmel loh
![](https://theaizawlpost.org/wp-content/uploads/2023/03/uk.jpg)