Ukraine journalist Russia tan inah boral
Russia chuan Ukraine journalist Viktoriia Roshchyna chu Russia taninah a boral thu an sawi.
Viktoriia-i pa chuan a fanu boral thu leh lehkhathawn a dawng tih sawiin, an in a thlen theih hun leh eng thil dangmah a inziak lo a ti a, a fanu chu nikum August thlaa an man a nih thu chauh a hriat thu a sawi bawk.
A chanchin hriatzui tur a awm loh bakah, a fanu chu engtinnge an tihzui tak pawh an hriat loh thu a pa chuan sawiin, a ruang lo thlen chu an duh dan a nih ber thu a sawi a ni.
Russia defence ministry chuan Viktoriia-i hi September ni 19 khan a thih thu an tichiang zui ve nghal a, a ruang erawh chu Ukraine in an sipai tangte a inthlengpui chauhin an hlan let tur thu an sawi ve thung.
Viktoriia hi Ukraine journalist niin, a hmuna thilthlen dan report pe thintu a ni a, hmun hlauhawm tak takah pawh a kal thin bakah, Ukraine leh Russia buainaah pawh hian Ukraine te dinhmun khawvel hmuha pholang thintu a ni bawk.
Russia sipaite hian a hma pawhin an lo man tawh a, ni 10 hnuah chhuah lehin, ani hian a hna chu a chhunzawm leh nghal zel avangin an man nawn leh a, Russia tan inah a boral zui ta a ni.
Ukraine journalist Russia tan inah boral
