Ukraine sipai sing li chuang boral tawh
Ukraine president Volodymyr Zelensky chuan Russia nen indona an neih hnuah an sipai 43,000 chuang an boral tawh thu a sawi.
Zelensky chuan hei hi chhinchhiah theih chin a nih thu sawiin, hei ai hian an tam ngei a rin thu a sawi a, a chhan chu finfiah theih loh sipai tam tak an ram tana nun hlantu an awm ngeia a rin thu a sawi bawk.
Ukraine president hian hliam tuar nuai thum, sing sarih chuang an awm tawh thu sawi bawkin, hliam tuar thenkhat phei chu vawikhat aia tam hliam tuar nawnte an nih hial thu a sawi.
Ukraine president sawi danin, Russia lam sipai hi nuai khat, sing kua leh sang riat chuang an awm tawh a, mi 550,000 chuangin hliam an tuar tawh bawk.
Hemi chungchang hi engmah finfiahna awm lo a nih thu khawvel media liante chuan an sawi thung a, anmahni chhut dan ngawt chu finfiah tlak a nih loh thu an sawi hlawm.
Ukraine sipai sing li chuang boral tawh
