Daily Newspaper

ULFA-I ten damdawi tawlhruk dan hrilh ru

42

Indian Institute of Technology-Hyderabad (IITH) a Prof. Shiv Govind Singh kaihhruai department of electrical engineering te chuan Articifial Intelligence hmang Covid-19 test na man tlawm te-in a tih theih mai tur an siam chhuak.

He test kit hmang hian Covid-19 kai leh kai lo chu minute 30 chung lekin a hriat theih a, RT-PCR (Reverse Transcription Polymerase Chain Reaction) emaw mihring emaw RNA lachhuak tura BSL-2 lab facility emaw a mamawh lo. Mithiam te tel hauh lovin miin chenna inah a test mai thei bawk a ni.

CSIR-Centre for Cellular & Molecular Biology (CCMB) te chuan SARS-Cov-2 virus kai leh kai lo hriatfiah nana rapid RNA electronic diagnostic device hi Indian Council of Medical Research (ICMR) duhdan anga a enfiah hnuah a pawmpui a ni. He kit efficiency hi 94.2% niin a sensitivity pawh 91.3% niin sepcificity chu 98.2% a ni bawk.

Test khat hi Rs 400 man vel tur a ni a, mahse, lian tham taka siam chhuah a nih chuan test khat kalpui nan Rs 300 vel ni tura ngaih a ni.

“IITH chuan pandemic len laiin socio-technological initiative la in danglam takin thil a kalpui a. Prof Govind Singh-a “COVIHOME” pawh hi ngaihsanawm tak mellung pawimawh a ni. Covid-19 hriatchhuahna kawngah nasa taka hlawkna thlenin a darhzau zel tur a veng thei turah ka ngai” tiin IITH Director Prof. B.S. Murty chuan a sawi.

COIHOME testing kit research team-ah hian Dr. Suryasnata Tripathy, Supraja Patta, Swati Mohanty te bakah Prof Singh kaihhruai zirlaite pawh an tel a ni. He khawl clinical trial leh test hi ESIC Medical College and Hospital, Hyderabad ah neih a ni bawk.

COVIHOME test kit hi patent tura hmalak nghal niin tam tham taka siam a nih theih nana Transfer of Technology (ToT) industry te nena inbiakna neih mek a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy