Congo mipui tamtak te chuan UN peace keeping force te chu an hna-ah an hlawhchham niin an puh a, hei vang hian an ram chu chhuahsan mai turin an duh a ni. Hetih lai hian UN sipaite chuan mipui pawisawilote chu pawisak nei lo hel hote lak atanga an venhim dawn thu leh Operation “Springbok” a neih dawn thu an sawi ve thung a ni.
Thawhtanni khan Congo-a provincial capital Sake an tih atanga 30 Kms a hla Goma-ah Armed Forces of the Democratic Republic of Congo (FARDC) leh UN’s MONUSCO (United Nations Organization Stabilization Mission in the Democratic Republic of Congo) te chuan press tour neiin he thu hi an sawi a ni. Kimoka thingtlang khua tlang leh phai ruamah te chuan UN sipaite chuan silai an hmet puak a. Kea kal ten an thil hmuh dan sawiin sipai dang leh te chu leiah bawk chunga inzar pharh-in silai hmeh puah mai theih turin an kau sa reng a ni, an ti. “M23 hel ten min rawn beih thut palha invenna tur leh chet lakna tura tanhmun lakna a ni,” tiin Major Eric Deshaies-Martin, Information Chief for MONUSCO chuan a sawi a ni (M23 tih hi Congo hel ten March ni 23.2022-a an chet lakna hming chawia an vuah a ni).
Zirtawpni khan MONUSCO force commander General Otavio Rodrigues de Miranda Filho leh FARDC te chuan ni khat thil thuah joint operation Springbok an neih tur thu an sawi a ‘mipui te venhim’ leh M23 ten Goma an lak tur lak atanga venhim chu niin Goma-ah hian mipui maktaduaih khat lai an cheng a ni. “Kan thil tum ber chu M23 ten an thiltum ber pawh chianglo a Sake emaw Goma emaw run an tumna lak ata lo dan chaha venhim hi a ni” tiin kan operation chu “Venhim hna” a ni tiin a sawi. Tutsi te hruai M23 hi US leh khawthlang ram te sawi dan chuan thenawm ram Rwanda te puihna dawng an ni a, kum 2012 tawp lam khan Congo khawpui hi hun reilote an awp hman a a kum leh lawk ah hneh an ni lehin thuneihna an laklet sak lehnghal a ni.
Thla ruk chhung zet innghhirngho lova an ngawih reng laiin kumin October thla khan tharum thawhna chhuak thar lehin helhote hian national army leh khua leh tui tana pasaltha ralthuam kengte an hmachhawn a ni. The Springbok peacekeepers te hi India, Morocco, Uruguay leh Guatemala atangtein an nih thu an officers te chuan Sake reporters te hnenah sawiin an numbers te erawh an tilang lo thung a ni. “Hmelmate chu hmar lamah an awm a, an lo kal chuan anmahni bei let turin kan inpeih reng,” tiin MONUSCO sipai thupuangtu Lieutenant Colonel Kevin Byabato Rweyemamu chuan a sawi. Rin loh tak maia operation puan a ni chuan Congo mipuite a barakhaih hle laiin an lawm hle bawk a, Goma-a sipaite lut tur chu an ring ngam chiah loin mipuite chuan Kivu hmar lama M23 te chu vehin man vek se an duh hle a ni. “March thla khan helai hmun hi ka lo thleng ve chiah a, in bula ka sawi duh leh tiam duh che u chu hetilai inbeihna atang hian ka tlanbo san lovang che u,” tiin General Miranda Filho chuan Goma mite hnenah a sawi a ni.
UN sipaiten Congo-ah Operation nei dawn
