Daily Newspaper

Underwood-i’n Krismas album tichhuak dawn

8

Carrie Underwood chuan a vawi khat nan Krismas album ‘My Gift’ a tichhuak dawn. Tunah July thla chauh a la ni nain, Krismas lam a hawi tawh a ni hmel e, September ni 25-a tlangzarh tur a ni.

A album trailer a tihchhuahah Carrie Underwood chuan tunlai boruak rit tak hnuaiah hian hlimna thlentu nih a pawimawh thu a sawi a, “Kumin chu ka rilru Krismas album a lang tlat a ni. Tun hi a hun tak niin ka hre ve tlat a, hetiang album siam nana hun tha ber niin ka ngai a ni,” a ti.

Underwood chuan Krismas album chu siam a chak thin thu sawiin, “Krismas album hi hman atanga ka lo suangtuah ve tawh thin a ni. Nikuma ka tour ka zawh khan hetiang album hi rimawi lamah ka project leh tur a ni tih ka hre nghal tawh a, hetiang album tlangzarh nana hun tha ber niin kan tunlai boruak hi ka hre lehzel a ni, tunlai boruak mahni nun leh thlarau lam nun pawh inenfiah nana hun thaah hian. Ka tan chuan he project-ah hian Krismas awmze dik taka insawrbing hi a pawimawh a ni. Kan zavai tan hun khirh tak a ni nain, a chang hian mahni inhriatchhuahnan hun khirh hi a tangkai thin a ni,” a ti bawk.

Carrie Underwood hian Krismas hla a lo record fo tawh nain, tun hi a Krismas full-lenght album hmasa ber tur a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy