BJP Mizoram chuan Union Budget 2024- 2025 ah Mizoram leh Mizote tana hman tangkai theih tur awmte sawi leh zirhona Nilaini khan an buatsaih a. Political party hrang hrang, mithiam, journalist-te bakah college zirlaite sawm an ni.
BJP State president Vanlalhmuaka’n sawihona hi kaihhruaiin, PC Lawmkunga, IAS (Rtd) leh MZU associate professor Dr. James LT Thanga te chu resource person an ni a. BJP Mizoram State IT convener Lalramdinfela Khiangte chuan Union Budget 2024- 2025 chu powerpoint presentation pe in a sawi zau a ni.
Mizoram mipuiah budget pawimawhna kan hriatna tur leh Union budget atanga Mizoram mipuiin kan tangkaipui theih tur eng sector-ah nge a awm tih kan hriat a, Mizoten budget awmzia kan hriat theihna atana buatsaih a ni.
‘BJP Mizoram chuan state-in hma a sawn theihna’n theihtawp chhuaha hma lak zel a tum a. Sawrkar lai chu tupawh nise, state hmasawnna tur thil tha tih kawngah theihtawp chhuaha pui turin kan awm a, thil tak tak buaipui a, Union budget kaltlanga development chhenfakawm kan hmuh theih nan leh mipui tana awlsamna a awm theihna turin hma kan la zel dawn a ni,’ BJP thuchhuah chuan a ti.
Union budget-ah Mizoram tan tangkai tur awmte zirho
