Daily Newspaper

Union HM hoin NE chief minister-in ramri sawi dawn


Union Home minister Amit Shah hoin India hmarchhak state chief minister-te chu July 24 hian ramri kaihhnawih sawi turin an inhmukhawm dawn.

Thudawn danin, Assam nena inri state dangten ramria buaina an neih mek laiin, July 24 khian hmarchhak state chief minister-te chu Inrinni khian Shillong, Meghalaya-ah an inhmukhawm dawn a. Mizoram chief minister Zoramthanga pawh he thutkhawma tel tur hian vawiin – July 23 hian by road-in Shillong a pan ang.

Union Home minister hoa thutkhawm zawh hian hmarchhak state chief minister-te hi a hranpain an la thukhawm leh dawn a ni.

Kumin July 9 khan ramria buaina chungchangah Mizoram leh Assam chief secretary te chu New Delhi-ah an lo inbe tawh a, inremna nei loin, Union Home secretary hoa an thutkhawm zuinaah pawh an duhdan leh ngaihdan a inang thei loa, state sawrkar thuneitu sang zawkte hmalak zel turah dah nise, tiin thu an lo titawp tawh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy