Old Macaulay system of education kha ‘a tha lo’ tia sawiin zirlai ten ‘chhiar, ziah leh luak’ an chawhpawlh tiin Union MoS for Education Subhas Sarkar chuan a sawi.
Raj Bhaavn-a reporter-te a kawmnaah New Education Policy (NEP) chuan zirlai tena holistic education an neih theih nan a pui ang a ti bawk a.
“Macaulay system of education kan hman thin kha a tha lo a ni. Zirlai ten chhiar, ziah leh luak an chawhpawlh lo thei lo va. Khawvel pum hi old educational policy atangin holistic education lam hawiin a kal tawh a, chu chu zirlai tena society tana pek let an neih theihna tur bera ruahman a ni,” tiin a sawi bawk.
British politician Thomas Babington Macaulay kha kum 1800 -a India rama zirna lama medium of instruction a English kalpui tantu a ni a.
“Tunah chuan holistic education kan mamawh a, compartment dang a awm tur a ni lo. Arts zirlai ten Physics leh Chemistry an zir thei ang a, Science zirlai ten History leh Economics te pawh an duh chuan subject-ah an thlang thei ang,” tiin Sarkar chuan a sawi a.
West Bengal-a NEP sawihona Raj Bhavan-a neihah Merchants’ Chamber of Commerce leh Industry aiawh thahnem tak bakah Governor C.V. Ananda Bose leh eminent educationists thahnem tak an tel a ni.
Sarkar chuan mi thenkhat tena zirna chu khawih danglam nasata ‘saffronise’ tum anga an sawina chu a pawm ve loh thu a sawi a.
“Saffornisation awm theihna pakhatte pawh min hrilh teh u. India in ‘Zero’ a hmuchhuak ka tih hian saffornisationa ni em? A nih leh Indian saints ten ‘Pi’ an hmuchhuak ka tih hian saffornisation a ni em?” tiin zawhna a siam zui bawk a.
West Bengal sorkar chuan tawngkain NEP chu kalpui an tum loh thu a sawi tia sawiin mahse ziakin eng vangin nge tih chu engmah an la siam lo a ti bawk a.
State tena NEP hi an kalpui duh lo a nih chuan zirlaite tan channa nasa tak tur niin ram chhunga common university entrance examah an talbuai phah ang, tiin Union MoS for Education Subhas Sarkar chuan a sawi bawk.
Union Minister-in NEP a fak
