Zan thum riaka Mizoram tlawhtu sawrkar laipuia Minister of State for Communications Devusinh Jesingbhai Chauhan chuan Thawhtanni zing khan chief minister Zoramthanga chu a chenna bangla-ah hmu in an inkawm.
Chief minister leh Union MoS hian Mizorama communication dinhmun leh hmalakna chungchang an sawidun a. Mizoram economy hmasawnna sawi bawkin, economy hmasawnna leh communication hmasawnna chu kalkawp tlat leh ngaihpawimawh ngai tak a nih thu te an sawi a ni.
Union minister of state Devusinh Chauhan hi kar kalta Zirtawpni khan Aizawl lo thlengin, Serchhip district a tlawh bakah Aizawlah Information & Communication Technology hotute, Postal leh Telecom service hotute nen inkawmin an hmalakna a enpui a. Thawhtanni khan Delhi panin Aizawl a chhuahsan.
Union MoS leh CM inkawm
![](https://theaizawlpost.org/wp-content/uploads/2023/02/un-1024x937.jpeg)