United dawr nawntu Qatari Sheikh
Manchester United neitu American chhung-kaw hausa Glazer family an tihte chuan supporter-te nawrna nasa tak an tawh chhoh reng hnuah Premier League club hralh an remti ve ta nge nge a, Old Trafford club lei tuma an ngamna zat nena dawrtu tharlam ber chu Arab mihausa Sheikh Jassim Bin Ha-mad Al Thani niin, kar-liamta Inrinni khan dan angin dawrna lehkha a thehlut nawn leh tih Reuters chuan a tarlang.
Qatar prime minister hlui fapa Al Thani hian kumin February thla khan Premier League club lei tumin Manchester United hi a lo dawr tawh a, a hlawhchham hnuah a ngamna zat sum san chhoin lehkha a thehlut nawn leh a, dawrna thara sum leh pai bilh tel zat dik tak hi puanzar ni rih lo mah se Sky Sports News chuan bid-na pawisa hi pound vaibelchhe 5 (USD6.12 billion) vel ni turin an tarlang a, mahse, he indawrna chung-chang an tarchhuah nawnlehah chuan a sum zat hi an tarlang tawh lo.
Reuters pawh hian Arab lam atanga dawrna chungchangah Man-chester United hi eng-ngemaw sawisak turin an ngen a, mahse, English team hian an chhang duh rih lo.
Tarlan tawh thin ang-in, nikum khan Man-chester United neitu American chhungkua hian an club enkawl lai zawrh hna an kalpui tan a; chemicals pro-ducer INEOS dintu British billionaire Jim Ratcliffe leh Finnish sumdawng hausa Tho-mas Zilliacus telin hmun hrang hrang atanga dawrna puitling (bid) an dawng chungin Glazer family hian pawm fel fak an la nei lo a, tuna Arab mihau-sain a ngamna zat san chho chunga a dawr nawn leh hnu hian bo-ruak thar a awm dawn em tih chu United fans ngaihchan ber a ni.
Tu pawhin lei se, engzat pawhin hralh se sports huang hrim hrima indawrna lian ber record ding lai a khum hrim hrim tura ngaih ngheh a ni. Tun din-hmuna club hralhna man to ber chu an leiba neih leh investment kalpui khung tel vek chunga US dollar vaibelchhe 5.2 zeta Chelsea an leina man kha a ni.
Tun dinhmunah Uni-ted hi khawvela football club hausak dan indawt thlak dana a palina niin infiamna huanga sum chevel zirchiangtu De-loitte chuan a tarlang a, infiamna kawh bik awm loa khawvela bungraw hlu berte zinga pakhat a ni rei tawh hle.
United dawr nawntu Qatari Sheikh
![](https://theaizawlpost.org/wp-content/uploads/tap_logo-min-large.jpg)