Daily Newspaper

United hmabak hautak

10

Ninga zan khan UEFA Champions Lea-gue 2020-21 – Group match a intum turte pawh fel a ni a, Premier League club lian Manchester United chu Group hautak berah ngaih Group H ah an awm a. PSG leh RB Leipzig te an hmachhawn a ngai dawn. Liverpool leh Chelsea te erawh chuan khingpui nem zawk an nei thei tura ngaih a ni.

United hian season liam taa finalist PSG an hmachhawn a ngai dawn. PSG hi champion tawh ngei tuma inbuatsaih an ni a, an tawh a khirh hle ngei dawn. German team RB Leipzig hi team naupang zinga hmasawn ber mai an ni a, khingpui nem tak an ni dawn hauh lo. PSG, United leh RB Leipzig ten last 16 luh an inchuh hle tura ngaih a ni a, Istanbul Basaksehir erawh hi chu an point box tura ngaih a ni a, an ni laka goal thun hnem thei nih hi an chhawr tangkai theiin a rinawm.

Ninga zana UCL draw neih fel takah hian Group G pawh ngaihven hlawh an ni a, Serie A champion Juventus leh La Liga club lian Barcelona awm dun. Juventus leh Barcelona inhmachhawn a ni ngawt thei dawn lova, Critiano Ronaldo leh Lionel Messi te inhmachhawnna tur a nih tel miau vangin group champion nih inchuha team lian pahnih an inel tur hian ngaihven a hlawh lo thei dawn lo. Dynamo Kyiv leh Ferencvaros te nen an awm tlan miau vangin Juventus leh Barca tan hian last 16 luh harsa lutuk tura ngaih a ni lo thung.

Premier League champion Liverpool chu group D-ah an awm a, Ajax Atalanta leh Midtj-ylland te nen an awm tlan vangin group champion nih harsa lo tura ngaih a ni a. Chelsea leh City te hmabak a hautak lutuk lova nghaih a ni bawk.

GROUP A
Bayern Munich
Atletico Madrid
RB Salzburg
Lokomotiv Moscow

GROUP B
Real Madrid
Shakhtar Donetsk
Inter Milan
B. Monchengladbach

GROUP C
Porto
Manchester City
Olympiacos
Marseille

GROUP D
Liverpool
Ajax
Atalanta
Midtjylland

GROUP E
Sevilla
Chelsea
Krasnodar
Rennes

GROUP F
Zenit
Borussia Dortmund
Lazio
Brugges

GROUP G
Juventus
Barcelona
Dynamo Kyiv
Ferencvaros

GROUP H
Paris Saint Germain
Manchester United
RB Leizpig
Istanbul Basaksehir

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy