Daily Newspaper

United hmachhawn tur Sociedad

13

Thawhtan zan khan Europa League last 32-a intum tur pawh fel a ni a. Champions League atanga tla thla Manchester United chuan khingpui hautak tak an nei zui dawn a; La Liga-a hmahruai mektu Real Sociedad an hmachhawn zui dawn. Arsenal hmabak pawh a awlai bik lova, Benfia an hmachhawn ang.

Premier League leh champions league-a chetah lo United tan Real Sociedad hi khingpui hautak tak an tling ngei dawn. Real Sociedad hian La Liga-ah vawi 13 khel tawh in point 26 an hmu a, hma an hruai mek. La Liga-a champion lai Real Madrid aiin point liin an sang zawk a. Lionel Messi-a khelhna Barcelona aiin point kua zetin an sang zawk mek bawk. La Liga lamah a chet that aiin Europa League lamah erawh an chetha fal bik lo. Group F ah pahnihna an ni hram a, Napoli hnuaiah awm in, Netherland club lian AZ Alkmaar nen point 8 ve ve an hmu a, last 32 lut zawkah an tang. Champions League leh EPL-ah beisei phak lo mahse Real Sociedad paltlang turin United in rin a kai zawk tho thung. Sociedad-ah hian City captain hlui Davild Silva kha a khel mek a. EPL-a City hmelma lian ber United hi an hnawtchhuak thei a nih chuan Silva tan a lawmawm dangdai hle ngei dawn.

Premier League-a khel chhe em em, 15-na ni mek Arsenal chuan Portugal club lian Benfica an hmachhawn a ngai dawn a, last 16 lut turin fiahna hautak an paltlang a ngai dawn. Gunners hi Europa League group Stages-a khel tha ber an ni a, an khingpuite an hneh vek a ni. Benfica tan Arsenal hmachhawn hi thil chakawm a ni hauh lo ang.

Premier League-a hmahruai mektu Tottenham chuan Belgian club Wolfsberger an hmachhawn dawn a, last 16 lut ngei tura ngaih an ni. EPL-a khel tha tak Leicester chuan Slavia Prague an hmachhawn dawn a, Steven Gerrad-a enkawl mek; Scottish Premiership leader Rangers chuan Royal Antwerp an hmachhawn ve thung ang. Europa League last 32 hi Febuary ni 18-ah first leg khelh a ni ang a. Ni 25-ah second leg khelh a ni thung ang. Tottenham in second leg an khel hma hret dawn a, february ni 24 zanah second leg an khel thung ang.

Europa League last 32 intum turte:
Wolfsberger v Tottenham
Dynamo Kyiv v Club Bruges
Real Sociedad v Manchester United
Benfica v Arsenal
Red Star Belgrade v AC Milan
Royal Antwerp v Rangers
Slavia Prague v Leicester
RB Salzburg v Villarreal
Braga v Roma
Krasnodar v Dinamo Zagreb
Young Boys v Bayer Leverkusen
Molde v Hoffenheim
Granada v Napoli
Maccabi Tel-Aviv v Shakhtar Donetsk
Lille v Ajax
Olympiakos v PSV Eindhoven

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy