Daily Newspaper

United in Leicester um zel

6

Ninga zana khan English Premier League-ah inkhel pali a awm a, champions league khelh phak tuma inel mek Manchester United leh Leicester City ten hnehna an chang ve ve a, inelna vung takin a kal chho mek. United hian si hnih faiin Crystal Palace an hneh a, si hnih fai vekin Foxes chuan Sheffield United an hneh ve bawk.

Khualmualah United chak
EPL-ah panganna luah mektu Manchester United chuan khualmualah Crystal Palace an hmachhawn a, Dr. Marcus Rashford leh Anthony Martial te goal thun hmanga hnehna chanin UCL khelh phak an beisei chhunzawm zel.

London khawpuia Selhurst Park a inkhelah hian team hnihte an inhnehtawk hle. Team hnihte hian hun rei tak chhung goal an thun thei lo ve ve. Chawlhlawk dawn tep minute 45+1-ah tunhnai lawka Doctorate degree nei thar Marcus Rashford chuan hmahruaina goal a thun nawlh a, si khat faia hmahruai chungin chawlhlawk an hmang.

Chawlhlawk hnu lamah pawh goal lut a awm leh lawk thei lo. Hun tawp dawn hnaih minute 78-naah Anthony Martial chuan an goal hnihna a thun leh nawlh a, goal dang lut lovin United chuan khualmualah si hnih faiin hnehna an chang a, point thum hlutak an hlawhchhuak ta a ni.

Crystal Palace lakah an chak leh tak vangin United in Champions League an beisei chhunzawm zel a, pangannah an awm chhunzawm zel. An chung chiaha awm Leicester City nen point 62 ve ve an hmu mek a, Pathumna Chelsea nen an inkarah point khat chiah a tlazep mek bawk. Ole Gunnar Solskjaer hnuaiah United an kaltluang rih hle a, khelh 19 chhung zet tlawm nei lovin an kaltluang mek a ni.

United hian trophy pahnih an beisei mek a, FA Cup leh Europa League-ahte champion thei dinhmunah an ding mek. FA Cup semi final-ah Chelsea an hmachhawn dawn a, Europa League-ah last 16 an lut tawh bawk a, champion tura rinkai zinga mi an ni.

Foxes an chak
Season kal meka chetha, rin phak baka chetha ve ve Leicester City leh Sheffield United te chu King Power Stadium-ah an inhmachhawn a. Table-ah a sang zawk luah mektu Leicester City chuan si hnih faiin hnehna an chang a, palinah an luah chhunzawm. Foxes lakah an tlawm vangin Sheffield United chuan pariatna an luah let zo lo thung.
P
alina luah zui thei tura chak mamawh tak Leicester City hian an mualah bul an tan tha hle a, minute 29-naah Ayoze Perez chuan hmahruaina goal a thun. He goal hmang hian hun rei tak chhung hma an hruai a, minute 79-naah Demarai Gray chuan an goal hnihna thun belhin an chakna a nemnghet. Hun tawp thlengin goal dang a luh belh tawh lova, Foxes chuan an mualah point thum hlutak an hlawhchhuak a, palinaah an zawm zui zel. Khelh hmabak pahnih chiah an nei tawh a, Palina nih tluan an tum hle dawn a, pathumnaah inhlangkai thut thei an ni reng bawk.

Leicester City hian inkhel hautak tak an hmachhawn zui leh a ngai dawn thun a, pasarihna ni mek Tottenham chu pathiani zanah an hmachhawn ang. Hetihlai hian pariatna ni mek Sheffield United hian thawhtan zan khian Everton an hm
achhawn ve thung ang.
Ninga zana inkhel dangah Aston Villa chuan Everton an hneh teuh hle a, minute 72-naah
Konsa goal thun chu hun tawp dawn tep minute 87-naah Theo Walcott chuan a sut hram a, point hnih hlutak a chhuahsak a, Villa dinhmin a tiharsat phah leh zual. Inkhel dangah Southampton leh an mikhual Brighton chu 1-1 in an inhnehtawk ve bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy