Daily Newspaper

United mithar Van de Beek

11

Manchester United chuan player chher-chhuah kawnga fak hlawh kumkhua Ajax Amster-dam atangin Nether-lands midfielder Donny van de Beek chu kumnga chhung atan an senglut.

Sum che vel hi club pahnihin tarlang chiah lo mah se British media-te chuan a tirah Dutch team hian pound mtd 35 an dawng phawt a, player chet that dan azirin pound mtd nga an dawn belh leh thei dawn niin an tarlang.

Kum 23 mi Van de Beek hian Ajax tana first team game 175 a khelh atangin goal 41 a thun tling a, assist pawh tum 34 a siamchhuak a, 2018-19 season-ah a team chu Dutch league title lak-puiin, hemi season-ah v>k hian rin loh takin Champions League semi-final a thlenpui.

Hetia an intihfel tak hnu hian 2020-21 sea-son-a United game hmasaber September ni 19-a khelh turah a club thar tan Crystal Palace a hmachhawn thei dawn a, tun nipui chhunga Old Trafford club-in player an sengluh hmasaber a ni.

Kum 11 mi lek a nih laia Ajax zawm Van de Beek chuan history mak leh ropui nei nia a sawi club zawm tura hun remchang a nei thei lawmawm a tihzia sawiin, a career-a bungthar kai tura a inpeihchhuah tawh thu leh a club thar aia standard sanna club an awm chuan loh thu a sawi a, khawvela midfielder tha ber ber kawltu an nih avangin an lak atanga zirchhuah tur a neih ngei a rin thu leh bul tan thuai thuai hlan a nghahhlelh thu hahipin a sawi.

Boss Ole Gunnar Solskjaer pawhin a player thar fakin, thiamna sang tak kawltu leh Manchester United-a hlawhtling thei tur mize pu mi a nih thu a sawi a, a talent kawl hmanga an midfield a tihchak ngei a beisei thu a tarlang tel.

United hian Van de Beek tana number 34 shirt an dah thu puang tawhin, he number hi kum 2017 pre-season friendly game-a heart attack vanga tlu, a hnua a thluak chhe zui ta Donny Ajax team-mate hlui Abdelhak Nouri h^k thin number a ni.

Red Devils hian Bo-russia Dortmund winger Jadon Sancho pawh an beisei a, mahse, German club hian kum 20 mi England international chhuah an remtih loh avang leh a man uchuak taka an chhiar avangin United hian Van de Beek lam an hawi ta a ni.

Season liamta khan United hi Premier Lea-gue-ah pathumna niin Champions League a khel pha dawn.

Tarlan tawh thin angin, Premier League season thar hi September i 12-ah an tan dawn a, United hi thla hmasa maia Europa League semi-final khel an nih avangin league an tan tlai hret dawn a, September ni 19-ah campaign an tan ve chauh dawn a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy