Utah chu US state zinga social media firm te hmang tura kum tling lo tena nu leh pa phalna an lak zel hmasakna ber a ni ta a. He dan hnuaiah hian kum 18 hnuai lam te chuan social media an hman dawnin nu leh pa te remtihna an lak zel a ngai tawh dawn a.
Governor chuan he dan hi state a naupang zawk te humhim nana tihmakmawh a ni tiin a sawi a, bill hmang hian nu leh pa te chuan an fate online accounts ah thuneihna nei vek dawnin an post leh private message tinte an enfel vek thei dawn a ni.
He hmalakna hi tun hnaia social media in naupang te mental health a nghawng nasat em avanga fimkhurna kalzel a ni a. Dan thar hnuaiah naupangin Instagram, Facebook leh TikTok a hmaan dawnin a nu leh pa te remtihna a lak hmasak zel a ngai dawn a ni.
Hei mai bakah hian bill chuan naupang tena an nu leh pa tena remtihna an pe a nih loh chuan zan dar 110:30 ataga zing lam dar 6:30 inkarah social media an hmang thei dawn lo bawk.
He bill pahnih te bawhchhiat a niha social media company te laka legal action lak theihna tu rhi March 1, 2024 atanga hman tan tur a ni dawn a ni.
Governor Spencer Cox, Republican chuan, “Social media company tena kan thalaite rilru an tihchhiat zel kan remti tawh dawn lo. Hruaitu leh nu leh pa kan nih angin kan thalai te humhim hi kan mawhphurhna a ni” tiin a sawi.
Children’s advocacy group Commons Sense Media te chuan governor thutlukna chu lawmawm an tih thu sawiin social media atchilhna thenkhat bituk neia siam hrim hrim chu ‘Utah a naupang leh chhungkua te tan hnehna nasa tak a ni’ tiin a sawi a.
“State dang te pawhin social media company te laka naupangte hum him a nih theih nan hma la zui se, online ah humhim an ngai a ni” tiin Jim Steyer, Common Sense Media’s founder leh CEO chuan a sawi.
Utah state ang tho hian Republican rorelna state dang Arkansas, Texas, Ohio leh Louisiana bakah Democratic kaihhruaina New Jersey ah te chuan ngaihtuah mek a ni bawk a.
Mahse Common Sence Media te leh advocacy group dang te chuan dan thar chuan naupang thenkhat chu dinhmun chhe zawkah a dah thei tho an ti thung a.
Ari Z Cohn, techFreedo a free speech lawyer chuan bill chuan ‘free speech problem a siam thei’ a ti a, “Naupang tam tak an chenna In a nghaisak tawk te an awm thei” tia sawiin, “LGBT an ni thei a, chung mi te chu social media ah thlauhtlak buaiin an awm dawn tihna a ni” a ti bawk.
Hetihlai hian Facebook parent company Meta te chuan nauangte an him theih nana hmanrua tha tak siama neih chhunzawm zel an tum thu an saiw nghal a.
“|halai leh chhungkua pui turin hmanrua 30 chuang kan siam tawh a, heng zingah hian thali leh nu leh pa te thawho theihna tur Instagram a an hun hman tur bituk siam theihna te, kum tihchianna technology te kan kalpu a ni” tiin Meta te chuan an sawi.
Tun hnaiah US bikah social media laka thalai zawk leh naupangte him theih nana hmalak duhna a lian hle a. President Joe Biden pawhin State of the Union address kumin February thlaa a sawiah tech compnay tena naupang data an lakkhawm khapna dan ngaihtuah a ngaih thu a lo sawi tawh bawk.
United States a Utah state in social media hman khuahkhrihna tur dan pawm fel
![](https://theaizawlpost.org/wp-content/uploads/tap_logo-min-large.jpg)