Mizo pa lar, Upa Remkunga chu Nilaini tuk khan a boral a, hemi hian vuiliam a ni.
1927-a piang Upa Remkunga hi July ni 30 atang khan a nuam lo a, tun hnaiah a chau telh telh a, August ni 21 zing lam dar 4.30 khan a chawl ta a ni.
Eizawnna lamah zirtirtu a ni a, sikul atanga SCERT lama a insawn hnuah teacher education-ah professor ni lehin, heta tang hian a pension a ni.
Thuziak lama inhmang a ni a, sikul zirlaibu bu nga vel a ziah bakah a lehkhabu ziahah zirlaibu atana hman a awm. “Zirlaite Dictionary” leh “Mizo |awng Dictionary” te phei chu lehkhabu hman tlanglawn reng a ni.
Rawngbawlna lamah Mission Veng Kohhran Upa a ni thin a, Tuikhuahtlang an indan hnuah Tuikhuahtlang Kohhranah a tel a ni.
A nupui Chalnghaki nen fa pasarih an nei a, an fate hi mi hriat hlawh, an kalna lama thleng thui tak tak an ni hlawm. Lok Sabha MP hlui Vanlalzawma hi a fapa a ni.
Tuikhuahtlang Presbyterian Kohhran Hall-a thlah a nih hnuah biak inah Aizawl Chhim Presbytery moderator Rev HT Ziona’n a vui a ni.
Upa Remkunga chawl ta
