Upat harnan eng nge i ei ang?
Thlai hi kan hrisel nana chaw pawimawh a ni a, nutrients, antioxidant leh vitamin chu hrang hrang an pai a, chung chu kan vun timam tu, vun chuar tur leh vun upa tur vengtu pawimawh an ni. Tun tumah hian dietitian/nutritionist Dt. Neera Srivastava’n upat har nana chaw tha ni a a sawi te kan rawn tarlang e.
1. Broccoli: Chaw ei apiangin broccoli hmeh theih ziah tum rawh, he thlai hian phytonutrients a pai hnem hle a, chu chu cell repair-tu pawimawh tak a ni a, vun upa hma tur vengtu a ni bawk. Vun tana a that bakah cancer chi hrang hrang risk a tihniam thei bawk.
2. Spinach: I tihrawl te an vuai hma loh nana chaw pawimawh pakhat chu spinach hi a ni. Spinach hian tihrawl a tichak niin zirchianna atangin an hmuchhuak. A buk rih zawnga tehin thlai dang aiin magnesium a pai hnem a, chu chu tihrawl tana chaw tha a nih bakah nerve function a ti tha a, BP leh blood sugar a siamtha bawk.
3. Purunsen: Purunsen hi pum lam sawisel neuh neuh ngah deuh tan chaw tha a ni a, ulcer, gastritis leh gastric cancer thlentu H.pylori bacteria pung tur a veng thei.
4. Bawkbawn: Bawkbawn hian Nasunin a pai hnem hle a, chu chu nutrient a ni a, upat harna a nih bakah cancer cell insiam tur a veng thei. Hei bakah hian Alzheimer’s disease a veng thei bawk.
5. Kale: Kale hian vitamin K a pai hnem hle a, chu chu kum upat deuh pawha ruh tichaktu pawimawh tak a ni. Kale hian prostate cancer risk a tihniam thei bawk.
Upat harnan eng nge i ei ang?
![](https://theaizawlpost.org/wp-content/uploads/tap_logo-min-large.jpg)