Tunhnaia Union Public Service Commission exam hrang hranga tithate lawmpuina chu Thawhlehni khan Mizoram Scholarship Board buatsaihin Higher & Technical Education minister Dr R Lalthangliana hoa hman a ni a, Incentive Cash Award cheng nuaikhat theuh a hlan nghal.
H&TE minister chuan UPSC exam buatsaiha tithate chu a lawmpui thu leh chhuanawm a tih thu a sawi a, an thlen chinah lungawi mai loin a aia nasa zawka tang zel turin a fuih. A bikin UPSC Civil Service Exam 2022-a interview thleng pha mi pahnihte chu kuminah la tling rih lo mah se, beidawng loa tan la sauh sauh tura fuihin, engtik ni-ah emaw chuan an tum ram an thleng ngei ang, tiin duhsakna a hlan.
Incentive Cash Award dawngte chu – Dayne Thiamsangliana – UPSC (National Defence Academy) & Naval Academy Exam (II) 2019; Betty Lalrinfeli – UPSC Civil Service Exam 2022 (interview thleng pha) leh KC Zalena – UPSC Civil Service Exam 2022 (interview thleng pha) te an ni.
UPSC exam-a tithate lawmpui
