Daily Newspaper

UPSC exam hmachhawn turin pahnih thlang

10

Mizo thalai lehkhathiam tam zawkin UPSC (Union Public Service Commission) lama an luh theihna tura a tul anga anmahni pui tura mi thahnemngai intelkhawm pawl – Mizo Civil Service Aspirants’ Society (MICSAS) chuan zirlai an sawrzim zel hnu ah mi pahnih an thlang.

MICSAC hian kumin August 7 khan sponsorship dil zawng zawng mi 25-te entrance neihpuiin chu’ng zinga mi 15 chu August 12 khan interview an neihpui a, heta tang hian mi 10 thlangchhuakin, thla thum – September, October leh November chhung Aizawlah crash course an kalpui a; November 30 khan entrance leh interview an nei a, an zing atang hian mi pahnih chu Delhi lama an senso zawng zawng tumsak turin an thlangfel ta a ni.

Tunah hian Delhi-ah Covid-19 leng vangin kal theih ala ni lo a, kum thar lamah boruak thlir chunga hmalak zui an tum tih MICSAC hruaitute chuan an sawi a. Delhi-ah hian central service mi, MICSAS member-ten a tul angin an lo buaipui chhunzawm dawn tih an sawi.

MICSAS hi 2019 August 24 khan din a ni a, tunah hian member 60 chuang an awm tawh a, helama tui mi leh hnam tana thahnemngai zawng zawngte chu tel turin an sawm nghal a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy