Urban leh Kidman te inthenna tifel
Kum 19 an inneih hnua nikum September atang khan an awm hrang tan a, tunah chuan zaithiam Keith Urban leh Hollywood star Nicole Kidman te inthenna chu an tifel ta a, an inthennaah hian a tu emaw zawkin chhawmdawlna (spousal support) an beisei leh phut an awm lo a, inthen avanga sum inpek pawh a awm dawn lo va, an ukil rawihna fee leh senso dang zawng zawng pawh an mahni tum ve ve turin an tifel.
Nikum September khan an awmhran thu an puang a, hemi thlaah vek hian Kidman hian court-ah inthen dilna a theh lut nghal a, inthen a dilna chhanah hian “Nupa thila inlungrual lohna leh sawifel hleihtheih loh ngaihdan inan lohna” an neih thu an tarlang. Keith Urban leh Nicole Kidman te hian intha then an duh thu an lo tarlang tawh a, an asset neih ang ang te pawh insem mai an duh thu an tarlang tawh bawk a ni.
An nupa hian fanu pahnih, tleirawl tawh an nei a, an fate enkawl chungchangah Kidman hian kum khatah ni 306 chhung enkawltu zawk nihna a nei ang a, Urban hian weekend-ah an fate hi hun a hmanpui thei thin bawk ang. An fate chungchanga thutlukna pawimawh siam a tul hunah mawhphurhna inang an nei ang a, chutihrualin an fate kum an tlin hmaa thutlukna pawimawh siam turah an ngaihdan a inhmu thei lo a nih chuan Kidman hian thu tawp siam theihna a nei thung ang.
Keith Urban leh Nicole Kidman te hi 2005 khan an in-date tan a, 2006 June thlaah Sydney-ah an inkutsuih a, 2008 khan fanu Sunday an nei a, 2010-ah fanu dang Faith an nei leh bawk.
Urban leh Kidman te inthenna tifel
