Daily Newspaper

US-ah TikTok khap a ni dawn : President Trump

16

United States President Donald Trump chuan Chinese company video-sharing app TikTok chu US-ah a khap tur thu a sawi.

Trump chuan executive order siamin TikTok khapna hi a kalpui tur thu a sawi a.

US security officials te chuan he app Chinese firm ByteDance te ta hian American te personal data a lakhawm niin an ngai a ni.

TikTok chuan he an puhna hi pha thungin Chinese sorkar hnenah an data an pe ve vek tia puhna chu an hnawl thung a.

App thang duang tak TikTok hian Amsrica-ah thlatin hmangtu 80 million vel neiin khap a nih chuan ByteDance te tan chuan channa nasa tak tur a ni dawn a ni.

“TikTok chung changah chuan United States-ah kan khap ang,” tiin Trump chuan Air Force One a luh hmain reporter te hnenah a sawi.

Engtiangin nge Trump-a’n TikTok a khap dawn a, engtianga nasa a kalpui tur nge tih leh dan anga harsatna awm thei te erawh a chiang mai lo thung.

Microsoft chuan TikTok hi lei a duh nia sawi niin mahse Trump chuan an lei a remti lo thei nia sawi a ni bawk a.

Eng nge TikTok?
Tun hnaiah khawvel pum huapin a lar hle a, a bik takin kum 20 hnuai lam ten an hmang nasa hle.

He app-ah hian second 15 video inthawn theih niin lip-synching atanga hlasak pangngai, comedy lam te thlengin editing trick danglam tak tak hmanga siam danglam theih a ni a.

Chung video te chu follower leh an mi hriatloh te pawhin an en theih tura thehchhuah a ni ta thin a. Account tin te chu default in public a ni nghal a, mahse, user te chuan contact an neih turah phalna an pek erawh a ngai thung. Hei bakah hian message pawh inthawn theih niin mahse ‘friends’ ah chauh inthawn theih a ni.

TikTok hian khawvel pumah thlakhatah hmangtu 800 million vel neia ngaih niin a tam ber chu US leh India a chengte an ni.

India chuan TikTok bakah Chinese app dang te chu a lo khap tawh bawk a. Huawei leh telecom equipment siamtu ZTE te pawh khap tawhtu Australia chuan TikTok khap hi a ngaihtuah mek nia sawi a ni bawk.

US-in TikTok a ngaihmawh chhan?
US officials leh politician te chuan ByteDance te chuan TikTok kaltlanga data an lakkhawm chu Chinese sorkar hnenah an pe thinah an ngai a.

TikTok te hian China-ah chuan version dang Douyin tih an kalpui thung a. US user data te chu US-ah store vek niin a backup Singapore-ah an dah thung niin an insawi thung.

TikTok te chuan a hmangtute leh regulator te chu langtlang taka engkim kalpui an tum thu leh an algorithm enfiah pawh an phal tur thu an sawi a.
“Political kan ni lo, political advertising kan remti lo va, agenda kan nei hek lo. Kan tum ber chu mitin ten hlim taka hun an hman theih nana awm mai a ni,” tiin TikTok CEO Kevin Mayer chuan a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy