Daily Newspaper

US an tlawm nghal

7

Tokyo Olym Game neih meka Basketball inelnaah inlehthalna lian a thleng a. Olympic-ah vawi 25 zet chak zawn tawh USA chu France in an hneh a, an chak tluang lai an tihtawpsak.

Champion lai USA hian inring tawk takin bul an tan a, France lakah rinkai zawk ni mahse beisei an phak lo va, an khelh hmasak berah an tlawm nghal ri ngawt. Olympic-ah khelh 25 zet an chak tluang chu France lakah a tawp in, Kevin Durant khelh that loh an tuar hle.

US leh France te hian inhnehtawk takin bul an tan a, quarter khatnaah point 18 ve ve thawkchhuak in, chungnung zawk an awm thei lo. Quarter hnihnaah France an khel tha a, point 27 an thawkchhuak a, point ruka hmahruai chungin chawlhlawk an hmang. Chawlhlawk hnu lamah US game a kang hret a, point 27 thawkchhuak in, point kuain chungnung zawkah an tang. Quarter hnuhnung ber an khelh dawn thlengin champion lai US hi point hnihin chungnung zawkah an tang.

4th quarter-ah hnehna chan ngei tumin team hnih ten tan an khawh a, inkhel hmuhnawm an lantir. Hun pawimawh takah France an huaisen a, khel tha zawkah an tang. Quarter hnuhnung berah hian point 26 an thawkchhuak a, team talbuai USA in point 13 chiah an thawkchhuak ve thung. France hian 89-79 a hnehna changin, champion lai US an lehthal. US hian an mualphona khuh mawi tuin chak ngei an mamawh tawh dawn a, nilai ni khian Iran an hmachhawn zui leh an. Hetihlai hian US hnehtu France pawhin nilai ni vek hian Czech Republic an hmachhawn ve bawk ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy