US leh ram thenkhatah COVID-19 hripui leng karah cinema hall an hawng leh tawh a, tun weekend kalta khan ‘Tenet’-in US-ah ringawt cinema hall ticket hralhna atangin dollar maktaduai 29.5 a lalut leh a, a kar hnih nan US box office No.1 a la ni.
Christopher Nolan film siam ‘Tenet’ hi a che tha vak lo a, Los Angeles leh New York City velah pawh cinema en an la tam hlei thei lo va, chu chuan Tenet sum lakluh pawh a tihniam. Hetih rual hian US pawn lama a lak luh te nen hian kar hnih chhungin dollar maktaduai 207 chu a tlin der tawh tho.
US pawnlamah chuan China-ah ringawt pawh dollar maktaduai 50.8 a lalut thei a, China box office-ah pawh a zawnin a No.1 thei a ni.
Tun kar hnih chhung hian Tenet tih loh chu US-ah cinema hall ticket hralhna atanga a dollar mataduai 10 bi lalut thei an la awm ta rih lo a ni.
(THE AIZAWL POST – Thalaite Huang)
Full>> ePaper Subscribe
