Daily Newspaper

US FDA-in Moderna vaccine pawm fel dawn

6

US Food and Drug Administration (FDA) chuan Moderna vaccine siam te chu 94% effective a nih thu zirchianna an neih hnuah an sawi.

Tihian Moderna vaccine chu US in Covid vaccine atana a pawm mai theih tur nia ngaih niin a hma pawhin Pfizer-BioNTech vaccine te pawmin a lo pe chhuak tawh a ni.

FDA scientist-te chuan Moderna vaccine chuan side-effect hlauhthawnawm leh chhia a nei lo tiin an sawi a. Pawm zui a nih chuan darkar 24 hnu lekah sem darh tura thawnchhuah nghal mai theih tur a ni.

FDA te chuan mi 30,000 a enchhinna neihah 94.1% effective a nei tiin phek 54 a chhah document an tihchuahah tarlan a ni a.

Side efeect a neih tlanglawn te chu khawsik, lu na, tihrawl leh ruh chuktuah kham deuh them thum te a ni. Pfizer vaccine pawh kha hetiang ang vel tho side-effect nei a ni tho bawk.

Moderna hi kum 2010 khan din chauh niin an damdawi siam te a hma in FDA in an la pawmpui a awm miah lo bawk. Moderna company stocks te kuminah 700% in a sang tawh a ni.

Moderna vaccine te hi shipping hunah -200C temperature vela dah ngai niin Pfizer vaccine chu -750C temperature vela dah ngai ni thungin semdarh velah pawh Pfizer vaccine chu buaithlak zawk fe a ngaih a ni.

Pfizer vaccine ang thovin Moderna vaccine pawh tum hnih pek ngai a ni a, Moderna vaccine erawh ni 28 hnua a dose hnihna pek ngai a ni thung.

Moderna hi Cambridge, Massachusetts a inbun niin an vacine tam ber te chu an hmuna an siam tur anih thu an sawi a. Pfizer vaccine erawh ram hrang hranga siam chhuah theih a ni thung.

Moderna vaccine hi US chuan 200 million dose lei turin inremna an siam tawh a, FDA-in an pawm fel veleh 6 million pekchhuah nghal theihin a awm dawn a ni.

Canada sorkar chuan nakum March thlaah 2 million dose a nei hman dawn a, a pumpuiah 56 million lei turin inremna an siam a, Canadian Prime Minister Justin Trudeau chuan tun thla tawpah 168,000 dose an neih hman tur thu a sawi a.

UK pawhin Moderna vaccine hi mtd 7 a lei dawn bawk a, European Union te chuan dose mtd 80 lei turin inremna an siam tawh bawk.

Japan pawhin Moderna vaccine hi mtd 50 lei turin inremna a siampui tawh a, South Korea in mtd 20, Swtizerland in mtd 7.5 a hauh lawk tawh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy