US House Speaker McCarthy namthlu

Kevin McCarthy chu right-wing revolt avanga paiha awm tain US House of Representatives Speaker in no-confidence vote a hloh hmasak ber a ni bawk.
Congress lower chamber-a Republican majority-naah California Congressman hian 216-210 in a chak lo a.
Ultra-conservatives te chuan kar kalta Inrinnia government agencies te funding chungchangah Denate Democrats te nena inremna an siam duh lovin an hel ta a ni.
House Republican majority naah amah thlaktu tur sawi lan an awm mai lo va.
McCarthy paihthlak a nih theih nan hian Florida Republican Matt Gaetz, Trump ally ni bawk chuan procedural tool ‘motion to vacate’ tih chu a hmang zui a.
Speaker chu Ukraine indona a sum pek zui zel a nih theih nan White House nena ‘secret deal’ siamah a puh a, McCarthy erawhin a pha thung a.
Speaker atanga paihthlak a nih hnuah McCarthy chuan Speaker ni tura a chuh zui tawh loh tur thu a sawi zui bawk a. A hnuah Gaetz chetlak dan chu lar duh thiltih tiin a sawi bawk a. “Mimal thil tak a ni a, sum sen nena inlaichinna a nei lo” tiin McCarthy chuan a sawi.
Nasa taka inbeihna awm laia Gaetz an fundraising email a thawnchhuah chu ‘Congress member tih atana mawi lo’ tiin a sawi bawk a. Amah paihthlak nana hma latu hardlines te chu ‘conservative lo’ tiin McCarthy chuan a sawi bawk.
McCarthy hi kumin January thla khan chamber-ah tum 15 zet vote thlak a nih hnuah leh right-winger tena an thlawp avanga Speaker ni thei chauh a ni a.
Tuna amah paihthlak nan hian Republican 210 te chu a lamtangah a sawm thlu thei tho va. Mahse, Republican tlantau te chu Democrats te chuan an thlawp vek thung a.
McCarthy paih a nih theih nana vote thlaktu zinga mi mak tih ber chu moderate Republican Nancy Mace a ni.
South Carolina lawmaker chuan a hnuah, “American mipuite hnena thudik hrilh duh Speaker, Congress tana rinawm leh rintlak ka duh a ni,” tiin a sawi.
Democratic House Leader eem Jeffries chuan a thawhpuite hnena vote thlak hmaa ngenna a siamah McCarthy chhanchhuah an tum loh thu a sawi lawk bawk a.
Hetih lai vel hian US President hlui Donald Trump chuan al media angin an party chuan mahni inbei lovin Radical Left Democrats te chu kan bei zawk tur a ni a lo ti ve thung a.
North Carolina Republican Patrick McHenry, McCarthy thlawptu chu Speaker pro tempore or interim Speaker a ni mek a, tunkar chhung chu House a kaihruai rih ang.
Interim Speaker nih rei hun chhung hi danin sawilan a nei lo va, mahse, 11 October chu Speaker tharin vote a hmachhawn hun tur tia puan chian a ni thung a.
Louisiana Republican Steve Scalise leh Minnesota Republican Tom Emmer te chu McCarthy thlaktu tura hming langsar ber niin mahse an pahnih ve ve hian engmah sawi an la nei lo thung.
Motion to vacate hi tun hnai kum zabi-ah tum hnih chauh hman niin chu pawh kum 2015 leh 2010 khan niin a hlawhchham ve ve thung a. Tun hi US Congress-a Speaker paihthlak awm chhun a ni.