UN-a US ambassador chuan, US chuan Middle East ‘boruak sosang tihhniam’ tuma hma a lak mek reng thu a sawi.
Linda Thomas-Greenfield chuan New York-a UN Security Council hnenah US chuan Middle East buaina nasa zawk a chhuah pumpelh nan inbeihna thleng thei dan a tum a ni tiin a sawi.
July thlaa Tehran khawpuia Hamas leader Ismail Haniyeh tihhlum a nih hnuah Iran chuan Israel chu a beih duh mai hlauhna a lian hle a ni.
US President Joe Biden chuan Israel leh Hamas tena Gaza kaihhnawiha inkahhaina an siam thei a nih chuan chu chuan Middle East boruak tang tur nasa takin a tihniam dawn tiin a sawi tawh bawk a.
Ningani hian Doha emaw Cairo-ah emaw inkahhai a awm theih nan inbiakna neih leh tura ruahman a ni a. Mahse, Hamas official Ahmad Abdul Hadi chuan Hamas te chu inbiaknaah an tel dawn lo tiin a sawi thung.
Hetih lai hian international mediator US, Egypt leh Qatar te chuan inkahhai a awm theih nan leh Israeli mitang te chhuah an nih a, Palestinian civilian ten an chenna hmun an pan leh theih nan theihtawp chhuahin hma an la mek reng bawk a.
New York-a UN Security Council meeting neihnaah Thomas-Greenfield chuan inkahhai chu thlentir ngei a ngai tiin a sawi a, “Zau zawka buaina in a kan kai a rem lo” tiin a sawi.
“United States thil tum ber chu boruak tang lutuk tihdaih a ni a, a hnu zela inbeihna thleng thei dan leh helai region buaina nasa zawk chhuak thei dan a ni” tiin a sawi.
“Chumi tur chuan inkahhai a awm nghal a, Gaza a mitang te chhuah zalen chu tihmakmawh a ni” tiin a sawi bawk.
UN-a Palestinian ambassador Riyad Mansour chuan Security Council chu Gaza-a Israel military operation tihtawp a nih theih nana hma la tawk lovah a puh thung a.
Israeli ambassador Gilad Erdan thung chuan Hamas te chuan Gaza-ah civilian-te chu inphen nana tawktarhah an hmang tiin a puh ve thung a ni.
US-in boruak sosang tih daih tum ber ti
