Daily Newspaper

US-in Chinese Communist party te hrek zui

11

US President Donald Trump sorkar chuan Chinese Communist Party member leh an chhung tena United States a zina an veivah theihna chu nasa takin a khuahkhirh sak.

Policy thar kalpuiah B1/B2 visitor visas party member leh an chhungte hnena pek thin dam rei hun chhung chu a hmaa kum 10 ni thin chu thla khata tihhniam a ni.

He hmalakna kalpui a nihna chhan chu Chinese communist party in ‘tihchhiat tuma chetlakna’ an kalpui laka US a him theih nan tih a nih thu sawi niin communist party workers te chuan ‘Propaganda, economic hmanga nawr luihna leh suahsualna thil dang hmangin America thunun an tum a ni’ tiin an sawi bawk.

Trump sorkar chuan China laka policy khauh tak a kalpui mek chu tihngheh zual tum zelin khawvel economy ram lian ber pahnihte inkarna hi tun hnaiah a chhiat lai ber a tawng mek a ni.

Chinese foreign ministry spokeswoman Hua Chunying chuan US hmalakna hian US a anti-China tena politics hmanga inrahbeh tumna an kalpuizia a pholang tiin a sawi.

Washington leh Beijing te chu China-in coronavirus outbreak a kalpui danah leh Hong Kong a chetlakna a neih avangin an inlaichinna a tichhe hle a. Hei mai bakah hian South China Sea tuipui ram buaina leh sumdawnna indona bakah Xinjiang a Uighur muslim te laka human rights bawhchhiatna avangin an inkungkaihna chhe takin a awm mek a ni.

Hei mai bakah hian United States chuan China-a top chipmaker SMIC leh national offshore oil leh gas tharchhuaktu CNOOC te chu Chinese military company tia sawiin US investor te laka an asset te khuahkhirhsak a tum dawn nia sawi a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy