Daily Newspaper

US-in Germany-a a sipaite lachhuak vek dawn

28

US chuan Germany a sipai a dah 12,000 te chu a kokir dawn a, hei hi Europe a sipai a dah siamremna kal zel a ni.

Sipai 6,400 vel chu US-ah kokir an ni ang a, a dang zawngte chu Nato ram Italy leh Belgium-ah te dah an ni thung ang.

President Donald Trump an thutlukna an siam chhan chu Germany in defence lama sum sen chungchangah Nato-in ruahmanna a siam Germany in a tihhlawhtlin theih loh vang a nih thu a sawi a.

Mahse, President Trump hmalakna hi US Congress-ah nasa taka sawisel thung niin Russia a tibuai dawn nia sawiin an sawisel thung a. Senior German official te pawhin ngaihthatlohna an neih thu an sawi bawk.

“Bum sam tak nih kan duh tawh lo,” tiin Trump chuan White House a reporter te hmaah a sawi a, “Sipai kan lakchhuah chhan chu an bill te pek a nih loh vang a ni, a awlsam khawp mai” tiin a sawi bawk.

Trump chuan hun rei tak ata tawh Nato European member te chuan an ram venhimna man an pek a ngai a lo ti tawh a. Nato member te chu US ah nasa takin an innghat bur thei tawh lo tiin a sawi bawk.

Inhnialna an neih ber leh alliance member tena an pawm tlan ni si chu defence lama sum sen chu GDP atanga 2% kum 2024 hma in a ni tur a ni tih a ni a. Hei hi Germany mai bakah ram dangte chuan an kalpui hlei thei lo a ni.

US Defence Secretary Mark Esper thung chuan thil dang deuha sawiin Euorpe a US sipai dah te siam danglamna tiin a sawi thung a. Russia laka him nana chetdan hmang ruahman danglamna tiin a sawi thung.

He hmalakna hian US sorkar chu billion dollar tel a hlohtir dawn a, Germany-a a inbunna chu 25% in a tihniam dawn bawk a. Squadron fighter jet te chu Italy-ah dah an ni ang a, sipai thenkhatte pawh Poland-ah dah an nih tur thu Esper chuan a sawi bawk.

US thutlukna siam hi German officials te chuan sawiselin German foreign affairs committee chairman chuan ‘Nato alliance a ti chak lovang’ tiin a sawi.

German state Bavaria head Markus Soeder chuan US thutlukna siam chu pawi a tih thu sawiin, “Hei hian German-American inkungkaihna phurrit a siam dawn a ni,” tiin a sawi bawk.

Washignton-ah pawh sawiselna awm thovin ‘Mahni intihhliamna leh American interests kalh’ tiin Democartic Senator Jack Reed chuan a sawi a.

Republican Senator Mitt Romney pawhin pawi a tih thu sawiin ‘tihsual lian lutuk’ tih leh ‘thian tha te hmaia benna’ tiin a sawi bawk.

Thla kalta khan US chuan sipai a lakchhuahtur thu hi lo sawi tawhin Trump chuan Berlin chu Nato a sum pek turah ‘tithur ti lo’ tiin a lo puh tawh a, Germany chu sumdawnna chungchangah US chhe taka kalpuiah a puh bawk.

Germany chuan US sipai a kawl te chu hlawk nan a hmang a, a chhan chu US sipai ten sum an hman vang tiin a sawi bawk.

Germany-a US sipai awm te hi World War II legacy kal zel niin Germany hian Europe ah US sipai a nei ngah ber a, Italy, UK leh Spain ten an dawt a ni.

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy