Daily Newspaper

US-in Pfizer/BioNTech vaccine pawm dawn

8

Medical expert US Food and Drug Administration (FDA) te thurawn pe thintute chuan Pfizer-BioNTech coronavirus vaccine chu emergency-a hman remti turin rawtna an siam.

Member 23 awmna panel tena inhmukhawma sawihona an neih hnuah Pfizer vaccine chu a hlauhawmna aiin a thatna a tam zawk tiin an sawi.

Pfizer te vaccine siam hi FDA vaccine chief-in a la pawmpui ngai a ni a, pawmpui nghal mai tura ngaih a ni. Pfizer vaccine te hi UK, Canada, Bahrain leh Saudi Arabia te chuan an mipuite hnena pek turin an pawmpui tawh a ni.

Hetihlai hian US chuan Covid-19 avangin darkar 24 chhungin nunna chan 3,000 chuang a nei a, khawvela nikhat thil thua nunna chan tam ber tum a ni bawk.

Alex Azar, the US health secretary chuan FDA meeting neih zawh hnuah ‘Vaccine kan pe chhuak nghal thei ang a, karleh atangin dinhmun derthawng zual te hnenah pekchhuah nghal a ni ang’ tiin a sawi.

Operation Warp Speed, federal government vaccine distribution programme te chuan darkar 24 chhungin vaccine pekchhuah nghal a ni ang, an ti bawk.

Pfizer te chuan US-a semchhuah turin vaccine siam lawksa 6.4 million an nei sa a, mahse, mi pakhat tan tum hnih pek ngai a nih avangin mi maktaduai thum velin an dawng nghal thei tura ngaih niin US-ah mipui maktduai 330 chuang an awm thung.

Centers for Disease Control and Prevention (CDC) a federal officials te chuan US-a healthcare worker maktaduai 21 te chu ngaih pawimawh hmasak ber tur an nih thu sawiin an ni bakah American kum upa maktaduai thum vel care home a awm te ngaih pawimawh tur an nih thu an sawi bawk.

Heng mite hnena pek an nih hnuah US-a essential workers maktaduai 87 te chu thlurbing leh tur an ni a, chumi hnuah chuan State tin te an ngaih pawimawh te an thlurbing thei dawn a ni.

Officials te chuan group anga high risk ni lo te vaccine pek chu kum 2021 thal laiin kalpui hman a nih theih an beisei thu an sawi bawk.

Pfizer te vaccine bakah hian Moderna leh national Institutes of Health te siam vaccine chuan US thuneitute remtihna an dil mek bawk a, Pfizer te vaccine ang bawkin tum hnih pek ngai tho a ni.

Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy