Daily Newspaper

US in Uighur-te laka hleilena a ngaih China official hrek

10

US chuan Chinese politician Xinjiang-a Muslim minority Uighur-te laka human rights bawhchhiaa a puhte chu a hrek.

Uighu-te a huhova khalhkhawm a, an sakhaw vawn tihdal tum leh chi thlah thei lo va siamah China chu nasa taka puh a ni a.

US-in a hrekte hi Communist party boss Chen Quanguo leh official dang pathumte an ni a. China chuan Xinjiang-ah Uighur Muslim-te lakah engmah thil dik lo a kalpui loh thu a sawi thung.

Tun hnaiah China chuan Uighurs maktaduai chuangte chu re-education camp tiin a dahkhawm a, insawi thiam nan radicalism leh seperatism tihreh nan ‘vocational training’ a pe zawk tiin a sawi thung.

Chen hi Chinese Communist Party thuneitu sang Politburo chair niin US-in Chinese official-a hrek zinga nihna nei sang ber a ni a. Trump administration chuan Chen hi minority te laka Beijing policy meizang-hlaptu ber tia sawiin tunhmain Tibet enkawltu a lo ni tawh bawk.

US-in a hrek official dang pathumte chu Wang Mingshan, director of the Xinjiang Public Security Bureau; Zhu Hailun, Xinjiang-a senior party member leh security official hlui Huo Liujun te an ni.

Hrek an nih tak avang hian heng mite hian US ah financial transaction an tih a rem lo va, US-a an asset neihte pawh khawih chet theih loha dah nghal a ni. Mahse, Huo bik chu visa restriction pek a ni ve lo thung. Hei bakah hian hrekna hian Xinjiang Public Security Bureau pum a huam tel bawk.

US Secretary of State Mike Pompeo chuan US chuan Xinjiang-a hleilenna nasa tak kalpui chu a en liam mai mai dawn lo tia sawiin, “US chuan CCP (Chinese Communist Party) tena Uighur, ethnic Kazakh leh minority group dangte Xinjiang-a nghaisaa human rights a bawhchhiatsak nasat hi a en liam mai mai dawn lo” tiin a sawi.

Hei bakah hian US chuan Communist Party official Xinjiang a chetla ber pakhata ngaih a hming tarlan loh lakah pawh visa restriction a kalpui bawk a, hei hian an chhungte pawh a huam nghal a ni.

US leh China inkar chu coronavirus pandemic leng vang leh China in Hong Kong-a security law thar a kalpui avangin a chhe hle a ni.

China in Xinjiang-ah eng nge a tih?
Rights group te chuan Uighurs Muslim maktaduai chuangte chu Xinjiang province a high-security prison camp ah dahkhawm an nih tih an sawi a.

BBC pawhin document an neih tarlangin nikum khan karkhat chhungin Xinjiang camp-ah hian mi 15,000 thawnluh an nih thu a sawi bawk a. He ta dahkhawm te hi an chetlak dan thin chu dan kalh a ni tih sawia an chian hma chuan chhuah an ni ngai lo tia sawi a ni bawk.

China chuan Uighur-te hi vocational training centre-ah sakhua behchhana firfiakna laka an him theih nan zirtirna pek an ni tiin a sawi thung.

Uighur-te hi Muslim sakhaw vuan te an ni deuh vek a, ethnic Turkic niin Xinjiang mipui 45% vel hi Uighurs an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy