US leh France in inzawmna nghet zawk an neih beisei
French president Emmanuel Macron chuan Donald Trump-a president ni tura a kir leh chuan ram pahnihin inzawmna nghet zawk an neih leh ngei a rin thu inrinni khan a sawi.
Donald Trump hian inrinni khan Paris thlengin, president Macron chuan a lo hmuak a, ram pahnih hruaitute hian thawhhona thuthlung hrang hrang leh hmachhawp hrang hrang an sawidun dawn nia sawi a ni.
Macron-a office thuchhuahin a tarlan danin Trump hian Russia beih letna hrang hrang do turin France chu a ngen niin a sawi a, Ukraine puihna hnukhniam lo tur leh Europe ram hrang hrang hruaituten Trump-a duhsakna an hmuh theih nan Macron chu a hmang dawn niin a sawi.
Hei bakah hian hruaitu lawk pahnihte hian middle east buaina thleng chungchang leh khawvel buaina hrang hrang chinfel dan tur thlengin an sawidun nia sawi a ni bawk.
Trump-a’n French president chenna Elysee Palace a thlen rual hian Macron nen inpawh taka inchibaiin, project hrang hrang an sawi dun a, Trump chuan an thil lo tihsak zawng zawngte chu chawimawina ropui tak a nih thu leh inlaichinna nghet tak a nih thu a sawi.
US leh France in inzawmna nghet zawk an neih beisei
