US leh Iran ramten inremna an ziak ta

US leh Iran ramten inremna an ziak ta
US leh Iran chuan inkahhai pawh seina tur inremna an ziak ta a, hman a ni tawh tih White House thuneituin a sawi.
Strait of Hormuz hawn lehna tur telna inremna hi President Donald Trump-a chuan France-a Evian-les-Bains-a G7 summit-a a telna atangin a ziak a ni.
Point 14 awmna inremna hi Memorandum of Understanding tia hriat a ni a, Iran chuan nuclear ralthuam a nei ngai dawn lo tih a sawi a, ram ‘tun din leh eibar lama hmasawnna’ atan $ tluklehdingawn 300 pek tiam a ni a. Inremna hi ram pahnihte leh Israel inkara buaina a chhuah atanga thla li-ah siam a ni.
Trump-a sorkar chuan inremna hi ‘performance-based’ tia sawiin Iran-in a thutiam a zawm chauhvin hlawkna a hmu dawn a ni.
Inremna thu ziak hian zawhna tam tak chhan loh leh chin fel loh a neih laiinthil pawimawh tak tak pawh a awm.
Inremna paragraph hmasa berah US, Iran leh a tangrualpui ramte chuan Lebanon tiamin ‘kil tinah’ sipai chetna tihtawp nghal a nih thu an puang dawn tih a tar lang.
Trump-a chuan Israeli sipaiten Hezbollah laka beihpui an thlakin Iran nena inremna an siam chu a titawp thei tih a ngaihtuah a. Tehran pawhin Lebanon chu inkahhai hian a huam ngei an beisei.
Iranian foreign ministry thupuangtu chuan Lebanon-a Israel sipaite beihpui thlak chhunzawm zel a nih chuan ‘inhriatthiamna bawhchhiatna a ni ang a, a tul anga hmalak a ni ang’ tih a sawi.
Inremnaah hian ‘tunah atang chuan’ ram pahnihte hian beihpui an thlak dawn lo va, an invau dawn lo tih a tar lang a, Lebanon ram ‘hran leh a huam chin’ an tichiang tih a tar lang bawk.
Inremna hian buaina chu a nghetin ‘tihtawp’ a nih tur thu a tar lang a. Israel-in engtin nge a chhan ang tih erawh a chiang lo.
Point pathumna tar lan danin US leh Iran hian inbiak neih leh inremna tak tak tur chu ni 60 chhunga siam turin an inti a, hei hi an pahnih thu anga pawh sei theih a ni ang.
Ni 60 hi ram pahnih hruaituten MoU an ziah atangin a intan bawk.
Trump-a hian Nilaini zan khan France-a Palace of Versailles-a G7 hnua zanriah kilnaah lehkha hi a zoal niin White House chuan a sawi a. Iranian President Masoud Pezeshkian-a pawhin a ziak bawk.
MoU ziah a nih veleh US chuan naval blockade leh Iran lawng chawlhna hmuna “buai emaw, daltu emaw” dah tawhte chu a paih ṭan dawn niin point palina chuan a tarlang.
US-in Iranian lawng chawlhna a dante chu ni 30 chhungin a titawp vek dawn niin inremna leh Iranian foreign ministry chuan a tar lang a. Ni 30 chhungin US chuan a sipaite chu ‘Iran hnaih’ atanga lak chhuah a tiam bawk.
Inremna chuan MoU ziah a nih veleh Iran-in pawisa chawi ngai lova Strait of Hormuz kaltlanga sumdawnna lawngte him taka an kal theihna turin ‘a theihtawp chhuahin ruahmanna a siam ang’ tih a tar lang.
Hei hi Indona a chhuah leh Strait of Hormuz khar a nih atang khan US thil tum pawimawh tak a ni a, khawvel pumah tuialhthei man a san chhan a ni.
Lehkhaah hian lawngte chu ‘rang thei ang berin’ an kal tan dawn tih tar lan a ni a, technical leh sipai inrawlhna tihbo leh chil puah theih thil lak sawn a ngai bawk.
Nakin zelah Iran hian Oman leh Gulf ram dangte nen Strait of Hormuz enkawl dan tur inremna ‘zau zawk’ siam tura tar lan tel a ni.
MoU point paruknaah chuan US leh an thawhpui, Iran chhehvela mite chuan Iran tun din leh eibara hmasawnna tur atan ‘awmze nei, pawm tlan ruahmanna’ a tlem berah $ tluklehdingawn 300 an siam dawn tih a sawi.