Daily Newspaper

US Open 2020 Last 16-ah Djokovic

12

US Open 2020 khelh mekah mipa lama rinkaite an chak chho deuh zel a, No. 1 Novak Djkovic leh Medvedev te chuan in-rinni khan hnehna chang in fourth round an lut a. Rinkai zinga mi fourth seed Stefanos Tsitsipas erawh Borna Coric hneh lovin a tla ve thung.

Champion tura rinkai ber, kum 2020-ah tlawm la nei miah lo Novak Djokovic chuan Arthur Ashe Stadium-ah Jan-Lennard Struff a hma-chhawn a, set hloh lova hnehna changin last 16 a inhlangkai. Kum 33 mi Djokovic hian a khel tha leh pek hle a, a khingpui hian a chhaih buai phak meuh lo a ni ber a, 6-3 6-3 6-1 in hnehna a chang a, Grand Slam 18 lak tlin a tumna kawngah hma lam a pan a, a tum ram a hnaih deuh deuh zel a. Last 16-ah Pablo Car-reno Busta a hma-chhawn zui leh ang.

Djokovic rual hian Russian third seed Med-vedev chuan a khingpui kum 21 mi JJ Wolf a hneh ve bawk. 2019 finalist Medvedev hian Flushing Meadows-ah a khel tha zui zel a, last 16 a luh thlengin set hloh a la nei lova, JJ Wolf lakah hian 6-3 6-3 6-2 in hnehna a chang a, Frances Tiafoe a hma-chhawn zui leh ang. Rinkai ni phak lo Tiafoe hian a khingpui Marton Fucsovics chu 6-2 6-3 6-2 a hnehin last 16 a inhlangkai a, khingpui hautak tak a neih zui a ngai dawn ta thung.

Djokovic leh Medve-dev te an chak lai hian Greek fourth seed Ste-fanos Tsitsipas zinkawng a tawp ve thung. Tsitsipas hian Borna Coric a hmachhawn a, chak theih na hun tha tak neiin set linaah 5-1 zetin hma a hruai hman. Hma a hruai fal em vangin chak ngei tura ngaih a ni hman a, dinhmun tha taka ding tawh chungin a chesual a, set hnih hloh zawnin tlawm zawkah a tang a, uiawm takin a tla.

Tsitsipas leh Coric te inkhel hi a tir phat atangin an inhnehtawk a, set khatnaah tie-break khelh nghal niin chungnung zawkah Tsitsipas a tang. Set hnihnaah Coric a chungnung a, 6-4 in set a la. Set thumnaah Tsitsipas a chungnung ve leh thung. Set linaah pawh 5-1 ngawtin hma a hruai hman a, ropui taka inlan Coric hian a mak takin a lehthal a, deciding set tie-break-ah chungnung zawk ah a tang zui leh a, hneh na pawimawh tak chang in last 16 a inhlangkai. Last 16-ah Jordan Thompson a hmachhawn zui leh ang a, a chak a nih chuan a vawikhat nan Grand Slam quarter final a lut dawn a, a dai ngai loh ram a dai ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy