US Open prize money a tlem chhe dawn lo!
August ni 26 atanga September ni 8 chhunga khelh tur kumin US Open-a an lawmman sem tur zat belhkhawm (prize money fund) hi US dollar maktaduai 75 zet niin, kum hmasa aiin 15% zetin a pung a, he tournament-a sum tam ber tum a ni.
He prize money pool hi US Open mai ni lo tennis history-a sum tamna ber a nih thu United States Tennis Association chuan an sawi.
Nikuma men’s leh women’s singles champion ve ve khan lawmman inzat (USD 3.6 million) ve ve dawngin, a hma chiah kum aiin 20% laiin an lawmman dawn hi a pung a, kumina a punna hi nikum aiin 9% in a sang leh dawn.
Lawmman an tihsan hnuah main draw first round paltlang zo lote’n USD 100,000 theuh an dawng dawna, kum 2023 aia a punna chu 23 zet niin, qualifying final round thlengte prize money dawn tur pawh 16% laia pungin USD 52,000 an hlawh ang.
Men’s and women’s doubles total prize money pawh kumin hian a pung tel dawn a, nikum nen khaikhina a punna chu 9% ani dawn. Mixed doubles total prize money punna phei chu 18% zet a ni!
The USTA also said that while there is no wheelchair tournament this year due to the Paralympic Games it will give players that would have been entered into the draw via direct acceptance a player grant, “to ensure that these players are receiving the equivalent of prize money as compensation.”
United States Tennis Association thuchhuah chuan Paris Paralympic Games avangin kumin hian wheelchair tournament an buatsaih tel loh tur thu an puang.
Serbian Novak Djokovic chu men’s trophy kawl mektu niin, nikum New York final-ah khan Russian Daniil Medvedev hnehin Grand Slam title 24 a la tling ta hial a ni.
American mihang nula Coco Gauff chu hmeichhe champion lai a ni ve thung.
US Open prize money a tlem chhe dawn lo!
