US Open sum hrawm a na dawn!
2024 US Open hmeichhia leh mipa singles title latu Aryna Sabalenka leh Jannik Sinner-te dawn aia tam kumin US Open men’s and women’s singles winner-te hian an dawng dawn a, tournament huaihawttute chuan tennis chanchina tangka ip inhawnzau berna tur a nih thu an puang!
Kumin US Open prize money pumpui belhkhawm hi US dollar maktaduai 90 (£67.4m) tehreng a tling chho dawn hmeichhia leh mipa singless chamoion hian US dollar maktaduai 5 (£3.7m) ve ve an dawng dawn a ni.
Nikum singles champion pahnihte khan US dollar maktaduai 3.6 (£2.8m) ve ve hum hawin, kumina a punna hi 39% zet a tling chho dawn a; nikuma prive money belhkhawm US dollar maktaduai 75 (£57.8m) atanga kumina a punna pawh 20% a tling hial a ni!
Kumin Wimbledon total prize money kha pound maktaduai 53.5 niin, men’s and women’s singles winner kutah pound maktaduai 3 ve ve a lut a, tuna US Open lawmman nena khaikhinin a intam hleih khawp mai!
Kumin US Open first round paltlang zo lo player-te hian USD 110,000 (£82,400) zel an dawng pha dawn a, chu pawh chu nikum aiin 10% zetin a sang!
Kumin kumtir lam khan top 20 men’s and women’s player-te chuan inthurualin Grand Slam pali hnenah major tournament atanga sum lut atangin chanpual tam zawk player-te tana thehchhuak tura ngenna an thehlut a, chu chu US Open lam hian an tihlawhtling ta niin a lang.
New York tournament organiser-te chuan thuchhuah an siamah: “US Open chuan an tum lawk ang ngeiin nikum lawmman atang khan double-digit percentage-in lawmman an pun chho ta a; hei hian round tin luahtu player zawng zawng a huam a; singles draw lama thleng sangte prize money dawn tur percentage a pung nasa zual,” tiin an tarlang.
Kumin men’s and women’s doubles atana an sum dah pawh kum 2024 ai khan 23% laiin a pung tho a, US dollar maktaduai 4.78 (£3.6m) a kai chho ta bawk.
Tournament buatsaihtute chuan tennis chanchina a vawi khatna atan men’s doubles, women’s doubles leh mixed doubles champion team khat zelin US dollar maktaduai 1 (£749,000) an dawn tur thu an puang.
US Open hian lawmman bakah main draw lut chinte zin veivahna leh an mamawh tul danga hman turin US dollar maktaduai 5 (£3.7m) an dah a; men’s and women’s qualifying tournament prize money tana nikuma an sum dah pawh 10% laiin an san chho a, US dollar maktaduai 8 (£6m) a tling chho dawrh tawh dawn.
Tarlan tawh thin angin, Flushing Meadows-a 2025 US Open khelh tur hi tun thla August ni 24 atanga September ni 7 chhunga zawh hman tura ruahman a ni.
Singles khelh hun chhung bik hi ni 15-in an pawtsei a, hei hi chhimtu tam zawk tana hun remchang siamsakna tur niin, kumin atangin mixed doubles khelh dan (format) thar hmang tan dawn bawkin, competition tak tak khelh tan hma chawlhkar hnih la awmah an lo khel tan dawn a, hei hi big-name singles player-te an inlan tam zawk theihna tura duan a ni.
Nikum khan a vawi khatna atan US Open thlirtu zat (attendance) hian fans maktaduai khat a pel.
US Open sum hrawm a na dawn!
