US pek hmun hla kap thei missile hmangin Russia kap
Ukraine chuan a vawikhat nan US in a pek hmun hla zawk kahtheihna missile chu Russia ram chhungah a kap niin Russia chuan a sawi a, hei hi Washington-in kah phalna a pek atanga nikhat hnua thleng a ni.
US official-te chuan Army Tactical Missile System (Atacms) hman a nih ngei thu hi sawi ve bawkin, news report hrang hrangah pawh an hman thu hi tihchian a ni a, hetihlai hian Ukraine chuan engmah a la sawi lo thung.
Russia defence ministry chuan thawhlehni zingah khan khawchhak lam Ukraine ramri, Bryansk bial chu beih a nih thu an sawi a, an theih ang angin an lo inven bakah missile kahthlakna pawh an hman nual thu a sawi.
Russia foreign minister Sergey Lavrov chuan Washington chu buaina tizualtu niin a puh a, he thil thlen hnu hian Russia president Vladimir Putin chuan a tul chuan nuclear weapon an hman tur thu a sawichhuak ve nghal bawk.
US pek hmun hla kap thei missile hmangin Russia kap
