Daily Newspaper

US President Trump an federal security te tirlut

18

US President Donald Trump chuan US khawpui lian hrang hrangah dan bawh chhiatna nasa titawp turin federal security forces rual a tirhluh tur thu a sawi.

Chicago leh Democratic rorelna khawpui lian dang te chu tumbik nia sawi niin heng hmunah te hian dan bawhchhiatna nasa zawkin a thleng a ni.

Portland leh Oregon a federal forces te thawnluh chuan sawisel a hlawh nasa hle thung a. Local officials te chuan duhlohna lantir mek rengah boruak rip zawk a siamah an ngai a ni.

Dan leh hrai lekkawh that chu Trump-a’n November thlaa inthlan a hmachhawn tura a hmatheh pawimawh ber zingah a tel a.

25 May khan ralthuam keng lo mihang George Floyd chu Minneapolis, Minnesota-ah police kutah a thi a, kha mi hnu atang khan lungawi lohna lantirna awm rengin US khawpui lian thenkhatah chuan buaina nasa zawk a awm reng a ni.

Hei mai bakah hian silai hmehpuaha harsatna siam chu metropolitan area New York City, Philadelphia, Los Angeles, Chicago leh Milwaukee pawh telin a hluar hle bawk.

Eng nge Operation Legend
Kum li leka upa mipa naupang LeGend Taliferro chu Kansas City-a an chenna In-a a mut laiin June thla khan a hmaiah kah a ni a. Mipa naupang nu hian President hmalakna hi a thlawp thu a sawi zui nghal a ni.

Operation Legend hmang hian FBI, Marshals Service leh federal agency dang te chu local law enforcement te nen an thawkho dawn niin US Department of Justice te chuan an sawi a.

Coronavirus pandemic leng avanga US economy chhe zel vanga a larna tlahniam Trump chuan, “Tharum thawhna hluar hian kan ram chhia leh tha hriatna neih a nghawr a ni,” tiin a sawi.

President Trump chuan Democrats te chu sualna chungchangah chak lo tia sawiin, “Tun hnai karah kan radical movemnet thlawp a, police department tih chak loh leh thiah tumna a awm a ni,” tiin a sawi bawk a.

Chung te avang chuan silaia inkahna, inthahna, tualthahna leh tharum thawhna a hluar tia sawi bawkin, “Thisen chhuah-na hi a tawp tur a ni,” tiin a sawi zui bawk.

Trump chuan, “Nu tumahin politicians ten an thenawm vel leh khawpui him nana tihtur pawimawh an tih duh loh avangin an fa thi an kuah ngawih ngawih tawh tur a ni lo,” tiin a sawi bawk.

US Attorney General William Barr, Trump thlawptu chuan Kansas City, Missouri ah federal agents 200 an tirh tawh thu sawiin chutiang bawkin Chicago-ah an thawn tawh thu leh Albuquerque, New Mexico ah 35 an tirh thu a sawi bawk.

Federal grants 60 million sihchhuah ni zuiin heng sum hmang hian police officer tam zawk chhawr an ni dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy