Daily Newspaper

US sipai ten Afghanistan-ah air strike kalpui

18

Tun hnai ni eng emaw zah chhung chu US chuan Taliban-te beiin Afghan security-te thlawpin air strike a kalpui thu Pentagon chuan a sawi.

Afghanistan-ah hian foreign sipaite an inlakchhuah zel tawh avangin Taliban-te chuan nasa takin hmasawnna neiin district centre 400 chunga a zahve dawn an thunun tawh nia sawi a ni.

Pentagon chuan Afghsnitan-a air strike a kalpui dan kimchang erawh a tarlang duh lo thung.

“Tun hnai ni eng emaw ti chhung chu ANDSF (Afghan National Defense and Security Forces) te puiin air strike kan kalpui a, a bak erawh kimchangin kan sawi thei lo” tiin Pentagon Press Secretary John Kirby chuan a sawi a. “ANDSF-te pui hian a tul ang zelin air strike kan la kalpui zel thei ang” tiin a sawi bawk.

Afghanistan-a US forces commander, Central Command’s General Kenneth “Frank” McKenzie chan US sipaite Afghanistan atanga an inlakchhuah kim dap hma chuan a tula air strike kalpui turin thuneihna pumhlum pek a ni.

Tun hnai ni 30 chhungin US sipaite chuan air strike tum ruk emaw sarih vel an nei tawh a, a tam zawk chu drone hmanga kalpui niin CNN chuan a tarlang bawk.

Hetihlai hian US sipai Afghanistan-a awmte chu 95% lakchhuah tawh an nih thu US Central Command chuan a tarlang a. US President Joe Biden chuan August thla tawp rualin an inlakchhuah vek hman tur thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy