US-a hmun thenkhatah chuan record temperature thleng nawn awn awnin tunkar hi chuan south-west lamah khawlum chuan ‘hlauhawm’ tak dinhmun a thlen hman rin a ni.
Americans maktaduai 113 vel te chu khawlum lutuk laka fimkhur tura tihin an awm mek a, khawlum hian Florida atanga California thlengin Washington state te pawh a huam vek a ni.
US National Weather Service (NWS) te chuan mipuite chu khawlum chu mihring nunna atana a hlauhawmna ngainep lo turin ngenna a siam a.
Kar kalta Inrinni khan Phoenix, Arizona-ah chuan record siam niin temperature-in 118F (480C) a kai a. Ni 16 lai mai a zawn zatin temperature in 110F (430C) a kai tawh a ni.
Mobile clinics te chuan homeless mite third-degree burns nei te enkawlin an hmanhhlel bawk a.
Hetih lai hian Death Valley, California – khawvela hmun lumna ber pqakhat chuan 129F (540C) kaihialin kan chenna leia temperature record sang ber a hnaih thuak tawh.
NWS te chuan San Joaquin Valley, Mojave Deset leh Great Basin ah te temperature record thleng thei reng a nih thu an sawi bawk a. Khawlum lutuk chu intihvawhna emaw hydration mumal tello chuan mihring nunna atana hlauhawm tiin an sawi bawk.
US-ah hian kum tinin khawlum kaihhnawih avangin mi 700 velin nunna an chan ziah anga chhut a nih thu Centers for Disease Control anf Prevention (CDC) te chuan an sawi a.
|henawm Canada ramah pawh khawel lum lutuk chuan ram ngaw kang siamin heta tanga meikhu chuan harsatna siam nasain kangmei hian 10 million hectares vel ram a kangchhe tawh an ti bawk.
America south-west a khawlum turu chhan hi high pressure vang niin chu chuan temperature lum zawk chhem lutin harsatna a siam ta a ni. NWS te chuan kumin heatwave thleng mek chu ‘hlauhawm ber pawl’ tiin a sawi bawk a.
Las Vegas, Nevada-ah pawh temperature in 117F (470C) kai hialin khawlum hian a la awh rei daqwn tih a ni bawk a. Weather officials te chuan tualchhung mite chu kum dang anga ‘desert heat’ satliah anga ngai lo turin an ngen bawk a.
“Tun heatwave hi desert heat pangngai ang a ni lo, a awh rei em em tawh a, chhun lamah a sa chungchuanga zan lamah pawh a lum tho tlat a. Mi tute pawhin an ngaih thutak a ngai a ni” tiin NWS thuchhuah chuan a tarlang.
NWS te chuan hetih lai hian America north-eastern New England region ah chuan ruah nasa tak surin chu chuan tuilian pawh a siam hial thei mai thei tiin an sawi lawk bawk.
A kar a kar chu south-western US chu khawlumin a nuai tawh a. El Paso, Texas-ah chuan karkhat chuang khawlum takin a uap tawh a, temperature san lam pawh ni 27 chhung chu triple-digits Fahrenheit in a awm tawh a ni.
Texas-ah air condition hman record siam ni bawkin mipui te chuan intihvawh dan tur zawngin an hmanhlel nasa hle a, chutihrual chuan khawlum kaihhnawiha damdawi In panpui ngai an awm tam hle bawk.
Kumin US khawlum hi hun dang ang lo takin chhun lama a lum hle chungin zan lamah pawh khawlum chuan a awh rei tlat a, zan lamah boruak vawt deuh leh nuam deuh a thlen chuang lo a ni.
July thla chawlhkar khatah khan global average temperature chu 63F (17.230C) niin UN chuan sawiin record china a la san ber a ti bawk.
Scientists te chuan temperature sang zual zel chu climate change in a thlen nia sawiin hei bakah hian weather pattern pakhat El Nino tia sawin kum thum atanga kum sarih dana thleng thin chuan temperature a tisang zual tiin an sawi.
Khawvel chu industrial era intan hnuah 1.10 Celsius in a lum phah zual tawh a, khawvel ram tina sorkar tena emission pekchhuah an titlem lo a nih chuan khawvel chuan lum lam a pan zel dawn a, harsatna a nasa zel dawna ngaih a ni.
US south West khawlumin tibuai
