Daily Newspaper

US top official Taiwan zin laiin China in sipai nunchan zir

12

US top official-n Taiwan a tlawh laiin China chuan Taiwan Strait ah sipai nunchan zirna neiin hei hi ‘a ram humhimna’ tiin a sawi.

Beijing leh Washington inbakkaihna nasa tak awm mek laiin live-fire drills nasa taka neiin hei hi US-in Taiwan a thlawpna a tih nasat zual vang nia ngaih a ni bawk.

China chuan mahnia ro inrel mek Taiwan chu a ram bung inla hrang rihah a ngai a ni.

Keith Krach chu kum tam tak chhunga US State Department official lawk Taiwan tlawh leh hmasa ber tu a ni a.

Zirtawpni khan China defence ministry thupuangtu Ren Guoqiang chuan US leh Taiwan te chu ‘inthuruala harsatna siam rengah’ a puh a, mahse, Keith Krach zin chungchang erawh tlang hrakin a sawi lang lo thung.

Reporter te hnenah ‘China thunun nana Taiwan hman’ leh ‘mahni inlaksan nana foreigner te a innghah chu’ duhthusam thil mai mai a ni, a ti bawk a.

‘Sipai nunchan zir chu mainland China tan sovereignty leh integrity humhim nana tihmakmawh’ tiin a sawi bawk a ni.

Krach hi US under secretary of economic affairs niin Taiwanese President Tsai Ing-wen nen an inhmu a.

US hian Taiwan nen diplomatic lama inzawmna an nei lo chungin, 1979 Taiwan Relations Act hmangin Taiwan hnenah hian ralthuam hralh theiin ‘inzawmna’ nghet tak an nei a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy