Daily Newspaper

US Vice President Harris-in khawchhak pan dawn

7

Tun thla hian US Vice President Kamala Harris chuan Vietnam leh Singapore tlawhin a zin dawn a. US regional leadership leh security lama thawhhona tihchak bakah South China Sea-a international rules kenkawhte chu a thupui tura ngaih a ni.

Harris hi US vice president Vietnam tlawh hmasa ber tur a ni dawn a, China-in global influence a neih mek zelna kawngah Washington chuan lamtang siam a tumna kal zel a ni bawk.

US official-te chuan Washington chuan heng ram pahnihte hi an awmna hmun, an economy, sumdawnna leh thilah te South China Sea chhehvela ram pawimawh ber berah a ngai a ni.

US hmelma hlui Vietnam chu China-in South China Sea pum deuhthaw a ram anga a chhalna hnial kalhtu langsar tak niin China-in sipai chakna hmanga a inlulinna dal tura US sipaite helai bial vela an awm duhtu a ni bawk.

“Ram pakhatin region khat a thunun emaw a thiltihtheihna hmanga ram dangte dinhmun derthawnga a siam kan remti lo” tiin White House official chuan a sawi bawk.

“Vice President chuan South China Sea-ah zalen taka sumdawnna a kal theih nan hma a la dawn a, eng ram mah ram dang lakah an inluling tur a ni lo” tiin a sawi bawk.

US Navy chuan South China Sea-ah freedom of navigation a awm theih nan a lawngliante a tirlut fo chungin China chu a zam phah emaw inthlahrun phah lo nia ngaih a ni.

Harris-in Vietnam leh Singapore a tlawh hma hian Defense Secretary Lloyd Austin chuan kar kalta khan Hanoi a lo tlawh sa tawh bawk a ni.

Hengte hi thla kaltaa US Deputy Secretary of State Wendy Sherman leh senior Chinese diplomat tena inbiakna an neihah hmasawnna a awm loh vanga ngaih a ni a.

US Secretary of State Anthony Blinken pawhin Southeast Asia-a China inlulinna tihreh a nih theih nan regional meeting virtual-in a neihpui deuh reng bawk.

Thawhlehni khan Aspen Security Forum-ah Singaporean Prime Minister Lee Hsien Loong chuan US high-level official tena an tlawh thin chu an dah pawimawh em em thu leh Washington chuan helai region humhim a duhna chu lawmawm an tih thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy