Daily Newspaper

USA tan Durant hnuhma thar

8

Tokyo Olympic Games neih mekah USA chuan Basketball quarter-final an lut. Quarter final an luh theih nan hian 119-84 in Czech Republic an hneh. He inkhelah hian Kevin Durant chuan USA tan Olympic-a point thawk-chhuak hnem ber record thar a siam.

Tokyo-a an khelh hmasak berah USA hian beisei an phak lova, France hneh lovin an tlawm nghal ring-awt. Olympic-ah vawi 25 zet an chak zawnna tihtawp a nih tum hian Brooklyn Nets player pawimawh Kevin Du-rant a che chhe hle a, sawiselna nasa tak a tuar zui nghe nghe. Chhe takin bul tan mahse an insiamtha thuai a, a vawili nan champion zawn thei turin quarter-final an lut leh der tawh.

Czech Republic lakah awlsam taka hnehna an chan tum hian Kevin Durant hian point 23 a thawkchhuak a, ball sawhlet vawi riat a la tling bawk. Olympic-a Basketball khelhah point 354 a thawkchhuak tling chiah a. Olympic-a USA tana point thawkchhuak tam ber ni thin Carmelo Anthony a point thawhchhuah zat 336 chu point 18 in a khum a, record thar a siam a. Sawisel leh deusawh hlawhnasa hman tak kha chawimawiin a awm a, hnuhma thar tha tak a hnutchhiah ta thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy